Qazaqstan ulttyq quramasynyń bas bapkeri Talǵat Baısýfınov aıdyń sońynda Astanada ótetin FIFA Series týrnırindegi eki matchqa shaqyrylǵan fýtbolshylardyń keńeıtilgen tizimin jarııalady, dep habarlaıdy Egemen.kz.
Qazaqstan fýtbol federasııasynyń málimetinshe, Qazaqstan quramasynyń keńeıtilgen tizimine 50 oıynshy endi.
Oqý-jattyǵý jıyny Qazaqstan Premer-lıgasynyń úshinshi týrynan keıin Astanada bastalady.
Týrnır 25-28 naýryz aralyǵynda Astanadaǵy «Astana Arena» stadıonynda «tórttik fınal» formatynda ótedi. Qazaqstan quramasy aldymen Komor araldary quramasyna qarsy oınaıdy, keıin Kýveıt nemese Namıbııa quramalarynyń birimen kezdesedi.
«Bapkerler shtaby Premer-lıganyń birinshi týryndaǵy matchtardy muqııat taldady. Fýtbolshylardy baǵalaý kezinde eń aldymen olardyń oıyn ýaqytyna jáne tehnıkalyq-taktıkalyq áreketterine nazar aýdardyq. Ekinshi týr aıaqtalǵannan keıin aldaǵy týrnırge qatysatyn quramanyń sońǵy tizimin bekitýdi josparlap otyrmyz», degen edi Talǵat Baısýfınov.
Bas bapker daıyndyqqa ýaqyttyń az bolatynyn da atap ótti: Qazaqstan Premer-lıgasynyń úshinshi týry 22 naýryzda aıaqtalady, al 25 naýryzda komanda alǵashqy oıynyn ótkizedi. Sondyqtan sońǵy quramǵa sol sátte eń jaqsy sporttyq formada júrgen oıynshylar enedi.
Keńeıtilgen tizimge: 4 qaqpashy, 20 qorǵaýshy, 14 jartylaı qorǵaýshy, 15 shabýylshy kirdi.
Qazaqstan quramasynyń keńeıtilgen tizimi Qaqpashylar:Temirlan Anarbekov («Qaırat»), Muhamedjan Seısen («Astana»), Aleksandr Zarýskıı («Aqtóbe»), Bekhan Shaızada («Ordabasy»).
Qorǵaýshylar:Sergeı Malyı, Sultanbek Astanov (ekeýi de – «Ordabasy»), Aleksandr Mrynskıı, Aleksandr Shırobokov, Erkin Tapalov (barlyǵy – «Qaırat»), Nuraly Álip («Zenıt», Reseı), Iаn Vorogovskıı, Álibek Qasym (ekeýi de – «Astana»), Ádilbek Jumahanov, Arsen Áshirbek (ekeýi de – «Elimaı»), Naýryzbek Jaǵorov, Meırambek Qalmyrza (ekeýi de – «Tobyl»), Ádlet Kenesbek, Saǵı Sovet (ekeýi de – «Qaısar»), Dinmuhammed Qashken («Jetisý»), Sanjar Satanov («Atyraý»), Saǵadat Tursynbaı («Jeńis»), Baǵdat Qaıyrov («Aqtóbe»), Amandyq Nabıhanov («Kaspıı»).
Jartylaı qorǵaýshylar:Ramazan Orazov, Jan-Alı Paırýz, Almas Tıýlıýbaı (barlyǵy – «Elimaı»), Ádilet Sadyqbekov, Damır Qasabýlat (ekeýi de – «Qaırat»), Aıbol Ábiken, Ersultan Qaldybekov (ekeýi de – «Qaısar»), Zıkrıllo Sýltanııazov («Ordabasy»), Damır Marat, Aleksandr Zýev (ekeýi de – «Tobyl»), Islambek Qýat («Jeńis»), Dinmuhamed Qaraman («Astana»), Georgıı Jýkov («Aqtóbe»).
Shabýylshylar:Dastan Satpaev, Ramazan Baǵdat (ekeýi de – «Qaırat»), Ǵalymjan Kenjebek, Maksım Samorodov (ekeýi de – «Ahmat», Reseı), Islam Chesnokov («Harts», Shotlandııa), Jaslan Jumashev, Dáýren Jumat (ekeýi de – «Tobyl»), Elhan Astanov («Ordabasy»), Ramazan Karımov («Astana»), Ivan Svırıdov, Aıbar Jaqsylyqov (ekeýi de – «Elimaı»), Oralhan О́mirtaev («Oqjetpes»), Artýr Shýshenachev («Aqtóbe»), Nurdáýlet Aǵzambaev («Qaısar»).
Fýtboldan Qazaqstan ulttyq quramasynyń bas bapkeri taǵaıyndaldy
Aıta keteıik, FIFA Series-2026 týrnırine 48 ulttyq qurama qatysady. Kóktemde olar jartylaı fınal jáne fınaldan turatyn shaǵyn týrnır formatynda oınaıdy.
«Atyraý» fýtbol klýbynyń sapyna nıgerııalyq legıoner qosyldy
Qazaqstannan bólek týrnırlerdi Avstralııa, Ázerbaıjan, Indonezııa, Jańa Zelandııa, Pýerto-Rıko, Rýanda jáne О́zbekstan qabyldaıdy. Al áıelder quramalary Brazılııa, Kot-d’Ivýar jáne Taılandta oınaıdy.