4 000 000: Atyraýdaǵy medısına salasyna osynsha AQSh dollarynyń medısınalyq jabdyǵy tartý etildi

«Teńizshevroıl» birlesken kásip­orny jyl saıyn Atyraý­dyń áleýmettik salasyna qoldaý bildiredi. Byltyrǵy qarashada óńirdegi emdeý oryndaryna medı­sınalyq qural-jabdyqtar satyp alýǵa 4 mıllıon AQSh dollaryn bólgen edi. Bıylǵy jyldyń alǵashqy jartysynda oblystyq kardıologııalyq ortalyqqa, oblys­tyq balalar aýrýhanasyna, sony­men birge, Ma­qat, Inder, Mahambet, Jylyoı, Qur­manǵazy, Isataı jáne Qyzylqoǵa aýdan­darynyń ortalyq aýrýhanalaryna osy zamanǵy medısınalyq qural-jabdyqtar satyp alyndy. – Biz zamanaýı jabdyq­tarmen jumys isteý úshin arnaıy oqýdan ótken maman­dardyń Atyraý oblysy tur­ǵyn­darynyń densaýlyǵyn nyǵaı­týǵa jańa múmkindik alǵa­nyna qýanyshtymyz. Endi turǵyndardyń, eresektermen qatar, balalardyń da basqa jaqqa barmaı-aq, ózderiniń turǵylyqty jerinde dıagnostıkadan ótip, qajetti medısınalyq kómek alýyna múmkindik týdy, – deıdi «Teńizshevroıl» birlesken kásipornynyń bas dırektory Tım Mıller. Kardıologııalyq ortalyqqa júrek soǵysynyń buzylýyn hı­rýr­gııalyq emdeý jáne radıo­jıilikti ablasııalaý prosedýrasyn ótkizý úshin ST.Jude Medical (AQSh) fırmasynyń elektrofızıologııalyq zerthanasyn, «Fılıps» fırma­synyń (Nıderlandy-AQSh) spı­raldyq, 128 kesindi kompıýterlik tomografty, «Karl Shtors» (Ger­manııa) fırmasynyń laparo-tora­ko-kardıohırýrgııalyq ope­rasııa­laryn ótkizýge arnalǵan beı­ne-endoskopııalyq keshenin, aý­dıometrııalyq modýldi jáne basqa da dıagnostıkalyq jabdyqtar tapsyryldy. Bul jabdyqtardy paıdalanýǵa jáne qoldanýǵa daıar­laý kezeńinde oblystyq jáne aýdandyq aýrýhanalardyń 29 qyzmetkeri oqytylypty. Joldasbek ShО́PEǴUL, «Egemen Qazaqstan». ATYRAÝ.