Ortalyq referendým komıssııasynyń múshesi Lázzat Súıindik respýblıkalyq referendým qarsańynda úgit júrgizý jáne qoǵamdyq pikirge saýal salý nátıjelerin jarııalaýdy retteıtin zańnamanyń negizgi talaptaryn eske saldy, dep jazady Egemen.kz.
Onyń aıtýynsha, «Respýblıkalyq referendým týraly» Konstıtýsııalyq zańnyń 7-babynyń 4-tarmaǵyna sáıkes referendýmnyń qarsańyndaǵy kún men referendým ótkiziletin kúni úgit júrgizýge tyıym salynady.
Naýryznama onkúndigi aıasynda «Referendým – 2026» atty onlaın marafon ótedi
«Erteń saǵat 00.00-de úgit kezeńi aıaqtalady. Osy sátten bastap «tynyshtyq kúni» bastalady. Bul degenimiz, 14 naýryzda jáne daýys berý kúni − 15 naýryzda kez kelgen úgitke tyıym salynǵanyn bildiredi. Bul talaptar zańnamamen belgilengen jáne elektoraldyq úderistiń barlyq qatysýshylary úshin mindetti», dep atap ótti Lázzat Súıindik.
Daýys beretin jaılardan basqa jerlerde buryn ilingen baspa úgit materıaldarynyń, plakattardyń burynǵy oryndarynda saqtalýy múmkin.
Qasym-Jomart Toqaev jastardy referendýmǵa belsene qatysýǵa shaqyrdy
Lázzat Súıindik qoǵamdyq pikirge saýal salýdy júrgizý erejelerine jekeleı toqtaldy.
«Respýblıkalyq referendým týraly» Konstıtýsııalyq zańnyń 7-1-babyna sáıkes, mundaı saýal salýlar «Qazaqstan Respýblıkasyndaǵy saılaý týraly» Konstıtýsııalyq zańda belgilengen talaptardy saqtaı otyryp júrgiziledi.
Atap aıtqanda, atalǵan zańnyń 28-babynyń 9-tarmaǵy daýys berý kúninen bes kún buryn jáne daýys berý kúni tikeleı qoǵamdyq pikirge saýal salý nátıjelerin, referendýmnyń aldyn-ala qorytyndylary jáne referendýmmen baılanysty basqa da zertteýlerdi buqaralyq aqparat quraldarynda jáne onlaın platformalarda jarııalaýǵa tyıym salady.
«Zań sondaı-aq daýys berý kúni qoǵamdyq pikirge saýal salýdy júrgizýge naqty talaptardy belgileıdi. Olar daýys berýge arnalǵan úı-jaıda nemese pýnktte ótkizilmeıdi. Mundaı saýaldar tek ýchaskelik komıssııasynyń shyǵa berisinde jáne tıisti túrde Ortalyq referendým komıssııasyn habardar etken zańdy tulǵalar júrgize alady», dep atap ótti Lázzat Súıindik.
Referendým qarsańynda táýelsiz baqylaýshylardyń aqparattyq shtaby jumys isteıdi
Joǵaryda kórsetilgen talaptardy buzǵan jaǵdaıda Ákimshilik quqyq buzýshylyq týraly kodeksine sáıkes ákimshilik jaýapkershilik kózdelgen.