Úkimet Memleket basshysy Qasym-Jomart Toqaev bergen tapsyrmalardy júzege asyrý aıasynda Aqtaý qalasynda qýaty 160 MVt bolatyn bý-gaz qondyrǵysyn salý jónindegi ınvestısııalyq kelisimge qol qoıýdy maquldady. Kelisim Qazaqstan Respýblıkasynyń Energetıka mınıstrligi men «Aqtaý energetıka kompanııasy» JShS arasynda jasalady. Tıisti qaýlyǵa Premer-mınıstr Oljas Bektenov qol qoıdy, dep habarlaıdy Egemen.kz Úkimettiń baspasóz qyzmetine silteme jasap.
Aqtaý energetıka kompanııasy 2024 jyly Qytaıdyń elektr energııasyn óndiretin bes iri ulttyq kompanııasynyń qataryna kiretin memlekettik China Huadian Corporation Ltd. korporasııasymen birlesip qurylǵan.
Jobanyń jalpy ınvestısııa kólemi shamamen 108 mlrd teńgeni quraıdy. Onyń 70%-yn qytaılyq ınvestor, al 30%-yn qazaqstandyq tarap qamtamasyz etedi. «MAEK» JShS alańynda salynatyn bý-gaz qondyrǵysyn paıdalanýǵa berý 2027 jyldyń maýsymyna josparlanǵan.
Kelisim sharttaryna sáıkes, ınvestor qazaqstandyq mamandar úshin 300-den astam jańa jumys ornyn ashýǵa mindetteledi. Sonymen qatar «Elektr energetıkasy» mamandyǵy boıynsha qyzmetkerlerdi Qytaıdyń salalyq joǵary oqý oryndarynda magıstratýrada oqytýǵa jyl saıyn granttar berý qarastyrylǵan. Budan bólek, qazaqstandyq kadrlardyń biliktiligin arttyrýǵa baǵyttalǵan baǵdarlamalardy júzege asyrý jáne úzdiksiz bilim berý júıesin engizý josparlanyp otyr.
Kelisim merzimi aıaqtalǵannan keıin bý-gaz qondyrǵysy «MAEK» JShS teńgerimine óteýsiz beriledi.
Qazaqstan Úkimeti men Azııa damý banki 15 jańa jobany júzege asyrady
Esterińizge sala keteıik, buǵan deıin Aqtaý energetıka kompanııasy «MAEK» JShS-niń qoldanystaǵy qýattaryn keńeıtý jumystaryn bastaǵan bolatyn.
Jalpy, ınvestısııalar qýat tapshylyǵyn toltyrýdy qamtamasyz etýge, óńirdi elektrmen jabdyqtaý senimdiligin arttyrýǵa jáne tutastaı alǵanda eldiń energııa júıesiniń turaqtylyǵyn nyǵaıtýǵa múmkindik beredi.
Úkimet Kaspııdi zertteýge 1,1 mlrd teńge bóldi