Búgin elimiz boıynsha jańa Konstıtýsııany qabyldaý máselesi boıynsha respýblıkalyq referendým ótip jatyr. Almaty oblysynda daýys berýge quqyǵy bar azamattar tizimine 1 029 611 adam engizilgen. Onyń ishinde 5871 adam alǵash ret daýys bere alady, dep habarlaıdy Egemen.kz.
О́ńirde 677 referendým ýchaskesiniń jumysy uıymdastyrylǵan. Barlyq ýchaskeler qajetti materıaldyq-tehnıkalyq jabdyqtarmen tolyq qamtamasyz etilgen. Atap aıtqanda, daýys berý kabınalary, stasıonarlyq jáne tasymaldy jáshikter, sondaı-aq komıssııa músheleri men baıqaýshylarǵa arnalǵan jumys oryndary daıyndalǵan. Daýys berý saǵat 07:00-den 20:00-ge deıin jalǵasady. Odan keıin daýystardy sanaý rásimi bastalady.
Oblys ortalyǵy – Qonaev qalasynda da óńirdegi basqa ýchaskelerdegideı №949-shi referendým ýchaskesinde jumys tańǵy saǵat 07:00-de Qazaqstan Respýblıkasynyń Memlekettik Gımnin oryndaýmen bastaldy. Qonaev qalasy «Ardagerler uıymy» qoǵamdyq birlestigi keńesiniń tóraǵasy Bazarbaı Oralbaev ıgi tilegin bildirip, bata berdi. Aqsaqal elge tynyshtyq, birlik pen bereke tilep, azamattardy jaýapkershilik pen parasattylyqqa shaqyrdy.
Almaty oblysynyń ákimi referendýmda óz tańdaýyn jasady
Ýchaskelerde pandýstar ornatylyp, arnaıy kórsetkishter men yńǵaıly daýys berý kabınalary jasaqtalǵan. Qajet bolǵan jaǵdaıda ýchaskelik komıssııa músheleri azamattarǵa aqparattyq kómek kórsetýge daıyn. Densaýlyǵyna baılanysty ýchaskege kele almaıtyn azamattar úshin tasymaldy jáshik arqyly úıde óz tańdaýyn jasaý múmkindigi uıymdastyrylǵan. О́ńirde 2320 múmkindigi shekteýli azamattyń derekteri naqtylanyp, olardyń qaı ýchaskege tirkelgeni tekserildi.
О́ńirde ınvataksı qyzmeti de uıymdastyryldy. Oblys ortalyǵynda eki arnaıy kólik qyzmet kórsetedi. Sonymen qatar 214 eldi mekendi qamtıtyn 24 ınvataksı jumys isteıdi. Budan bólek, 15 sýrdoaýdarmashy jáne áleýmettik qyzmetkerler tartylǵan. Referendýmdy ótkizýge óńirde bir oblystyq, eki qalalyq, toǵyz aýdandyq jáne 677 ýchaskelik komıssııa qatysyp jatyr. Komıssııalardyń quramynda 4781 adam jumys isteıdi. Daıyndyq kezeńinde olardyń barlyǵy arnaıy oqytýdan ótti.
«El daýysy»: Saılaýshylar tańerteńnen bastap belsendi daýys berip jatyr
Daýys berý barysyn qoǵamdyq birlestikter men úkimettik emes uıymdar ókilderi, sondaı-aq halyqaralyq uıymdar men sheteldik buqaralyq aqparat quraldarynyń ókilderi baqylaı alady. Meıramgúl Aıtovanyń aıtýynsha, Almaty oblysynda referendýmdy baqylaý úshin 16 óńirlik jáne 11 respýblıkalyq úkimettik emes uıym akkredıttelgen. Olar ýchaskelerde baqylaýshy retinde qatysýǵa quqyly.
О́ńirde azamattardyń ýaqytsha bolatyn oryndarynda ornalasqan 36 ýchaske jumys isteıdi. Onyń 15-i áskerı bólimderde, 16-sy stasıonarlyq emdeý-profılaktıkalyq mekemelerde, 4-eýi tergeý jáne ýaqytsha ustaý ızolıatorlarynda, al bir ýchaske arnaýly áleýmettik qyzmet kórsetý ortalyǵynda ornalasqan. Eger bul ýchaskelerde tizimge engizilgen barlyq azamat daýys berse, ýchaskelik komıssııa daýys berýdiń aıaqtalǵanyn merziminen buryn jarııalaı alady.
Aıta keteıik, zań talaptaryna sáıkes óńirdegi jeti ýchaskede daýys berý tańǵy saǵat 06:00-de bastaldy. Qalǵan ýchaskelerde daýys berý keste boıynsha saǵat 07:00-den 20:00-ge deıin jalǵasady. Ýchaskeler jabylǵannan keıin daýystardy sanaý rásimi bastalady.
Almaty oblysy