Premer-mınıstrdiń orynbasary – Mádenıet jáne aqparat mınıstri Aıda Balaeva eldiń jańa Konstıtýsııasyn qabyldaý jónindegi jalpyulttyq referendýmǵa qatysty, dep habarlaıdy Egemen.kz.
Aıda Balaeva Ulttyq akademııalyq kitaphanada ornalasqan №129 referendým ýchaskesinde daýys berdi.
Búgingi oqıǵanyń mańyzdylyǵyna toqtalǵan Premer-mınıstrdiń orynbasary jańa Konstıtýsııany qabyldaý eldiń odan ári damýynyń mańyzdy kezeńi ekenin atap ótti.
«Halyqtyq Konstıtýsııany qabyldaý ádiletti ári progressıvti Qazaqstan qurýdy kózdeıdi. Búgin qazaqstandyqtar durys tańdaý jasaıdy dep úmittenemin», dedi A.Balaeva.
Sonymen qatar, Mádenıet jáne aqparat mınıstri referendým kúni qazaqstandyqtardyń joǵary azamattyq belsendiligin atap ótti. Onyń aıtýynsha, tańerteńnen bastap azamattardyń daýys berýge belsendi qatysýy baıqalyp otyr. Bul elde ashyq qoǵamnyń qalyptasqanyn, saıası mádenıettiń óskenin jáne azamattardyń memlekettiń bolashaǵyna jaýapkershilikpen qaraıtynyn kórsetedi.
Qazyǵurtta 100 jastan asqan qarııa daýys berdi
«Biz tańerteńnen bastap aqparattyq keńistikti baqylap otyrmyz. Qýantatyny – halyqtyń referendýmǵa qatysý belsendiligi joǵary. Men Qazaqstanda ashyq qoǵam qalyptasqanyn, saıası mádenıeti joǵary ári azamattyq jaýapkershiligi aıqyn ekenin kórip otyrmyn. Beıjaılyq joq, kerisinshe, súıikti elimizdiń bolashaǵy úshin sanaly jaýapkershilik bar. Bul – 2019 jyldan beri Memleket basshysy júrgizip kele jatqan ádiletti ári progressıvti Qazaqstan qurýǵa baǵyttalǵan saıası reformalardyń naqty nátıjesi dep oılaımyn», dedi vıse-premer.
Aıta keteıik, daýys berý úshin referendým ýchaskeleri Astana ýaqyty boıynsha tańǵy 7:00-den 20:00-ge deıin ashyq bolady.
102 jastaǵy Uly Otan soǵysynyń ardageri referendýmda daýys berdi