Búgin, 15 naýryz kúni Aqtaý qalasynda ótip jatqan respýblıkalyq referendýmǵa Yessenov ýnıversıtetiniń 1-kýrs stýdenti, bolashaq zańger Bekzat Qadirbaı qatysyp, óz tańdaýyn jasady, dep habarlaıdy Egemen.kz.
Jas saılaýshy Aqtaý tehnologııalyq kolledjinde ornalasqan saılaý ýchaskesine kelip, el ómirindegi mańyzdy qoǵamdyq-saıası naýqanǵa belsendi túrde atsalysty. Ol referendým kúni uıymdastyrylǵan tegin qoǵamdyq kólikti paıdalanyp, daýys berýge arnaıy keldi.
О́ńir turǵyndary referendýmǵa belsene qatysyp jatyr
Bekzat Qadirbaıdyń aıtýynsha, referendým – árbir azamattyń el bolashaǵyna qatysty mańyzdy sheshim qabyldaýyna múmkindik beretin saıası naýqan.
«Referendýmǵa qatysý – árbir azamattyń azamattyq jaýapkershiligi. Ásirese jastar el bolashaǵyna beıjaı qaramaı, osyndaı mańyzdy sheshimder qabyldanatyn sátterde belsendilik tanytýy kerek», dedi belsendi jas Bekzat Qadirbaı.