Abaı garnızonynda ornalasqan áskerı bólimderdiń merzimdi qyzmettegi áskerı qyzmetshileri respýblıkalyq referendýmǵa belsendi qatysty. 15 naýryz kúni sarbazdar 36803 áskerı bóliminde uıymdastyrylǵan №132 jabyq saılaý bólimshesine kelip, óz tańdaýlaryn jasady, dep jazady Egemen.kz.
Jalpy garnızondaǵy myńnan astam sarbaz daýys berdi. Olardyń kóbi ómirinde alǵash ret daýys berip, azamattyq boryshyn oryndady.
Ázerbaıjandyq baqylaýshy referendýmǵa oń baǵa berdi
Daýys bergenderdiń arasynda boıymen kópshiliktiń nazaryn aýdartqan sarbaz da boldy. Ol – Abaı garnızonyndaǵy 28738 áskerı bóliminde qyzmet atqaryp júrgen qatardaǵy jaýynger Ilıa Halchýkov. Onyń boıy 2 metr 10 santımetr.
Abaı óńirlik garnızonynyń baspasóz qyzmetiniń málimetinshe, Petropavl qalasynyń týmasy Ilıa ásker qataryna sol óńirden shaqyrylǵan. Qazir merzimdi qyzmetin abyroımen ótkerip júr. Áskerı ortada tártiptiligimen, jaýapkershiligimen erekshelenedi.
Referendým: Baqylaýshylar zań buzýshylyq bolmaǵanyn rastady
Referendým kúni ol da ózge sarbazdarmen birge daýys berý bólimshesine kelip, el bolashaǵyna qatysty tańdaý jasady.
«Búgin jabyq saılaý bólimshesine kelip, referendýmda daýys berdim. Ár azamattyń daýysy mańyzdy dep sanaımyn. Sondyqtan Otanymyzdyń bolashaǵyna qatysty azamattyq boryshymdy oryndadym. Bul kún men úshin erekshe ári jaýapty sát», dedi Ilıa Halchýkov.
Abaı oblysy