Astanada Halyqaralyq baıqaýshylarǵa qolǵabys kórsetý ortalyǵynda ótken baspasóz konferensııasynda bul týraly Shanhaı yntymaqtastyq uıymy (ShYU) Bas hatshysynyń orynbasary, mıssııa basshysy Oleg Kopylov aıtty, dep habarlaıdy Egemen.kz.
O. Kopylov Qazaqstanda jańa Konstıtýsııany qabyldaý boıynsha ótip jatqan respýblıkalyq referendýmǵa daıyndyq pen daýys berý prosesin baıqaý barysynda daýys berýshiler úshin barlyq jaǵdaı jasalǵanyn atap ótti. Onyń aıtýynsha, múgedektigi bar adamdardyń daýys berýine de qajetti múmkindikter qarastyrylǵan.
«Jalpy alǵanda, aldyn ala baqylaýlarǵa súıene otyryp, Qazaqstan tarapynan referendým prosesin laıyqty uıymdastyrý úshin úlken jumys atqarylǵanyn aıtýǵa bolady. Uıymdastyrýshylyq jáne tehnıkalyq daıyndyq joǵary kásibı deńgeıde júrgizilgen. Sondaı-aq azamattardyń erkin tańdaý quqyǵyn tolyq qamtamasyz etýge múmkindik beretin tehnologııalyq jańashyldyqtar engizilip jatyr. Usynylyp otyrǵan konstıtýsııalyq ózgeristerdiń mazmuny týraly keń aýdıtorııaǵa aqparat berilgen. Bul prosess qoǵamda jáne sarapshylar arasyndaǵy talqylaýlarmen qatar júrip otyrǵan. Qoǵamda usynylyp otyrǵan konstıtýsııalyq reformalarǵa degen qyzyǵýshylyq joǵary ekeni baıqalady. Daýys berý ýchaskelerinde jaqsy atmosfera qalyptasqan. Daýys berýge jastar belsendi qatysyp jatyr», dedi spıker.
Túrkııa Joǵarǵy saılaý keńesiniń tóraǵasy Qazaqstannyń referendýmǵa sapaly daıyndalǵanyn atap ótti
Oleg Kopylovtyń aıtýynsha, bul azamattardyń qazirgi referendýmǵa erekshe mán beretinin jáne halyqtyń, eń aldymen, óz erkin bildirý prosesine degen seniminiń joǵary ekenin kórsetedi.
ShYU baqylaýshylar mıssııasy Qazaqstandaǵy referendýmnyń tehnıkalyq daıyndyǵyn joǵary baǵalady