Búgingi referendýmda ınklıýzıvtilik prınsıpine mańyzdy ekpin berilgen. О́zbekstan Respýblıkasy Ortalyq saılaý komıssııasynyń tóraǵasy Zaınıddın Nızamhodjaev osylaı deıdi, dep jazady Egemen.kz.
Ol Astana qalasy Prezıdent ortalyǵyndaǵy №176 referendým ýchaskesinde bolyp, naýqan barysyn baqylady.
«Bul – el halqynyń ómirindegi asa mańyzdy saıası is-shara. Biz keshe kelip, Qazaqstan Respýblıkasy Ortalyq referendým komıssııasynyń tóraǵasymen ekijaqty kezdesý ótkizdik. Júzdesý barysynda bir aı ishinde atqarylǵan daıyndyq jumysy jóninen jan-jaqty aqparat aldyq. Referendýmdy ótkizýge jaýapty komanda tolyq daıyn ekenine kóz jetkizdik», deı kele Zaınıddın Nızamhodjaev referendým komıssııasynyń músheleri men qoǵamdyq baqylaýshylardyń arasynda jastardyń kóp bolǵany qýantatynyn, bul azamattyq jaýapkershilikti baıqatatynyn jetkizdi.
Túrkııa Joǵarǵy saılaý keńesiniń tóraǵasy Qazaqstannyń referendýmǵa sapaly daıyndalǵanyn atap ótti
Sonymen qatar halyqtyń belsendiligin de erekshe baǵalady.
«Taǵy bir qýanyshty jaıt – búgin saǵat 12:00-ge deıin birneshe ýchaskege bardym. Osy ýaqytqa deıin el azamattarynyń 40 paıyzdan astamy kelip, óz daýystaryn berip úlgergen. Árıne, referendýmnyń aldyn ala nátıjeleri erteń belgili bolady. Ázirge eshqandaı zań buzýshylyq tirkelgen joq. Sonymen qatar komıssııa músheleri, tóraǵalar, hatshylar jáne qoǵamdyq baqylaýshylar biz qoıǵan barlyq suraqtarǵa tolyq jaýap berip otyr», dedi О́zbekstan Respýblıkasy Ortalyq saılaý komıssııasynyń tóraǵasy.
Referendýmda daýys bergender sany 51,93 paıyzǵa jetti
Halyqaralyq baıqaýshy teń qoljetimdilikti qamtamasyz etý demokratııalyq qundylyqtyń is júzindegi kórinisi ekenin atap ótti.
«Biz úshin saılaýshylardyń sany, olardy habardar etý jumysynyń qalaı júrgizilgeni, sondaı-aq múmkindigi shekteýli azamattarǵa, densaýlyǵyna baılanysty úıden shyǵa almaıtyn adamdar úshin qandaı jaǵdaı jasalǵany mańyzdy boldy. Mysaly, osy ýchaskede úsh qazaqstandyq úıinde daýys bergen. Olar aldyn ala ótinish beripti. Keıbir ýchaskelerde mundaı ótinish bergen azamattardyń sany 7 adamǵa deıin jetedi. Al bir ýchaskede biz 12 adamnyń úıinde daýys berý týraly ótinish bildirgenine kýá boldyq. Iаǵnı Qazaqstan Respýblıkasynyń zańnamasyna sáıkes referendýmdy ótkizý úshin barlyq qajetti jaǵdaılar jasalǵan», dep sózin túıindedi Zaınıddın Nızamhodjaev.
Vaagn Ovakımıan: Qazaqstan halqynyń aýyzbirshiligine tánti boldym