Eshqandaı quqyqtyq kedergi joq

Elbasy Nursultan Nazar­baev Konstıtýsııalyq Keńes Tóraǵasy Igor Rogovpen konsýltasııa ótkizdi, dep habarlady Prezıdenttiń baspasóz qyzmeti. Kezdesý barysynda Memleket basshysy Konstıtýsııalyq Keńeske Prezıdent saılaýyn ótkizý múmkindigine qatysty saýal joldanǵanyna toqtaldy. Nursultan Nazarbaev Par­­lament palatalary tóra­ǵa­larymen, sondaı-aq, Premer-Mı­nıstrmen konsýltasııalar ótkizgenin aıtty. Qazaqstan Prezıdenti saılaý ótkizý Konstıtýsııa talaptaryna dálme-dál saı bolýy tıistigin atap ótti. I.Rogov Negizgi Zańnyń 41-ba­bynyń 3-1-tarmaǵyna sáıkes, kezekten tys prezıdenttik saılaýdy belgileý tek Qazaqstan Prezıdentiniń quzyretine jatatynyna toqtaldy. Atalǵan kons­tı­týsııalyq quzyret eshqandaı shartqa jáne shekteýge baılaýly emes, Memleket basshysy ony der­bes júzege asyrady. Osyǵan baı­lanysty Konstıtýsııalyq Keńes Tóraǵasy kezekten tys Pre­zıdent saılaýyn ótkizýge qandaıda bir konstıtýsııalyq quqyqtyq kederginiń joq ekenin aıtty. Sýretterdi túsirgender S.BONDARENKO, B.OTARBAEV.