Semeı qalasynda 27 jastaǵy azamat jasandy ıntellektiniń kómegimen jalǵan sýret jasap, ony polısııaǵa joldaǵan, dep habarlaıdy Egemen.kz.
Abaı oblysy polısııa departamentiniń málimetinshe, 17 naýryz kúni saǵat 20:00 shamasynda call-ortalyqqa «Gastello kóshesindegi óndiristik seh sý astynda qaldy» degen habar túsken. Jedel qyzmetter dereý oqıǵa ornyna attanǵanymen, eshqandaı tótenshe jaǵdaı tirkelmegen. Tekserý kezinde habarlamanyń jalǵan ekeni anyqtaldy.
Qostanaıda terrorızm aktisi týraly jalǵan aqparat bergen jasóspirim jaýapqa tartyldy
Polısııa tekserisiniń qorytyndysyna súıensek, azamat jibergen sýretter neıroset arqyly jasalǵan. Qoǵam men qyzmetkerlerdi adastyratyn jalǵan habarlama quqyq qorǵaý organdarynyń nazaryn aýdarǵan.
Semeı turǵynyna jalǵan aqparat taratqany úshin ákimshilik jaza qoldanyldy. Polısııa departamenti mundaı materıaldardy ázil retinde jasaǵan adam da zańǵa sáıkes qatań jaýapkershilikke tartylatynyn eskertedi.
Vedomstvo azamattardy sıfrlyq tehnologııalar men jasandy ıntellekt arqyly jasalǵan kontentke muqııat qaraýǵa shaqyrady.
Muhtar Shahanov óz atynan taraǵan jalǵan aqparatty joqqa shyǵardy