Qazaqstannyń CPC Blend markaly munaıy naýryz aıynda aıtarlyqtaı qymbattady. Buǵan sebep – Taıaý Shyǵystaǵy qaqtyǵystarǵa baılanysty álemdik naryqta shıkizat tapshylyǵynyń týyndaýy, dep habarlaıdy Egemen.kz.
Eýropa men Jerorta teńizi elderiniń munaı óńdeý zaýyttary Taıaý Shyǵys shıkizatyna táýeldi, biraq qazirgi jaǵdaıda balamaly kózderge kóship jatyr.
Álemdik naryqta Brent markaly munaıdyń baǵasy barreline 103 dollardan asty
Qazaqstandyq CPC Blend markaly munaı naýryz-sáýir aılaryna jóneltiletin partııalarda Brent baǵasynan 1-2 dollar ústememen saýdalanyp otyr. Buryn bul marka 5 dollar jeńildikpen satylatyn.
Sonymen qatar Ázerbaıjannyń Azeri BTC munaıy da barreline 5-6 dollarǵa deıin qymbattady.
Qazaqstannan munaı jetkizilimderi qazirgi kezde jaýyn-shashyn men qolaısyz aýa raıy, drondyq shabýyldar jáne Teńiz ken ornyndaǵy óndiristiń irkilisterine baılanysty turaqsyz sıpatqa ıe.
Treıderlerdiń aıtýynsha, CPC Blend qazir Eýropa naryǵy úshin mańyzdy bolyp otyr, biraq onyń eksporty áli de táýekelderge toly.
Ormuz buǵazy arqyly munaı tasymaly qalaı sheshilmek?