Elimizde joǵary bilim berý júıesin qarjylandyrý tetikteri jańaryp, tıimdiligi artpaq. Bul baǵyttaǵy ózgerister azamattardyń sapaly bilim alý quqyǵyn qamtamasyz etýge jáne ýnıversıtetterdiń básekege qabiletin kúsheıtýge negizdelgen, dep jazady Egemen.kz.
Úkimet otyrysynda Ǵylym jáne joǵary bilim mınıstri Saıasat Nurbek jańa qarjylandyrý quraldaryn engizý jónindegi bastamalardy tanystyrdy. Jańa modelge sáıkes, memlekettik bilim berý tapsyrysyn bólý ekonomıkanyń naqty suranysyna baǵyttalady. Iаǵnı kadr daıarlaý eńbek naryǵynyń qajettiligimen tyǵyz baılanystyrylady.
Sheteldik JOO-ǵa túskisi keletinder qaıda habarlasady?
Kelesi jyldan bastap joǵary oqý oryndarynyń qyzmetin baǵalaıtyn ulttyq reıtıng engiziledi. Bul júıe obektıvti kórsetkishter men naqty ındıkatorlarǵa súıenedi. Reıtıng nátıjeleri memlekettik tapsyrysty ornalastyrý kezinde negizgi ólshemderdiń biri bolmaq.
Sonymen qatar elimizde «Ǵylym jáne bilim endaýment-qory» memlekettik tirkeýden ótti. Bul qor joǵary oqý oryndaryn qarjylandyrýdyń jańa tetigi retinde ǵylym men bilim salasyna qosymsha ınvestısııa tartýǵa jol ashady.
Prezıdent: Elimizde sheteldik JOO-lardyń 33 fılıaly ashyldy
Mınıstrdiń aıtýynsha, jańa model kezeń-kezeńimen iske asady jáne onyń basty maqsaty – kadr daıarlaý sapasyn arttyrý.
«Memleket basshysy joǵary bilimdi qarjylandyrýdyń jańa modelin kezeń-kezeńimen engizý týraly zańǵa qol qoıdy. Model kadrlardy daıarlaý sapasyn arttyrýǵa jáne básekege qabiletti joǵary oqý oryndaryn qalyptastyrýǵa baǵyttalǵan. Reıtıng nátıjeleri kadrlardy daıarlaýǵa memlekettik bilim berý tapsyrysyn ornalastyrý úshin joǵary oqý oryndaryn anyqtaý kezinde eskeriledi. Reıtıngtik kórsetkishteri jaqsy joǵary oqý oryndaryna qosymsha akademııalyq derbestik beriledi», dedi Saıasat Nurbek.
Jalpy, qolǵa alynǵan ózgerister joǵary bilim berý júıesin jańa sapalyq deńgeıge kóterip, ýnıversıtetterdiń derbestigin arttyrýǵa, sondaı-aq ǵylym men bilimniń baılanysyn kúsheıtýge múmkindik bermek.
Qazaqstandaǵy 5 JOO álemniń úzdik ýnıversıtetteriniń tizimine endi