Úkimet otyrysynda Premer-mınıstr Oljas Bektenov jaýapty memlekettik organdarǵa jańa Konstıtýsııany jappaı taralymmen basyp shyǵaryp, elektrondyq platformalarda ornalastyrýdy tapsyrdy, dep habarlaıdy Egemen.kz.
«Jańa Konstıtýsııada memleket pen qoǵamnyń ornyqty damýyna berik negiz bolatyn normalar men erejeler túgel qamtylǵan.
Birinshiden, jańa Konstıtýsııanyń normalary boıynsha aqparattyq-túsindirý jumystaryn jalǵastyrý qajet. Osyǵan baılanysty Mádenıet jáne aqparat mınıstrligine bir apta ishinde tıisti Aqparattyq jumys josparyn ázirleýdi tapsyramyn.
2026 jyldyń 10 sáýirine deıin Konstıtýsııany jappaı taralymmen basyp shyǵaryp, memlekettik organdarǵa, bilim berý, mádenıet uıymdaryna, kitaphanalar men saýda oryndaryna jetkizý kerek», dedi Oljas Bektenov.
Jasandy ıntellekt jáne sıfrlyq damý mınıstrligine Konstıtýsııa mátinin jalpyǵa qoljetimdi elektrondyq platformalarda ornalastyrý tapsyryldy.
Qazaqstanda azamattardyń derbes derekterin qorǵaý kúsheıtiledi
Sondaı-aq bilim berý salasy úshin mektepterde, kolledjderde jáne ýnıversıtetterde Konstıtýsııa erejeleri boıynsha oqý sabaqtaryn ótkizý tapsyryldy.
«Oqý-aǵartý, Ǵylym jáne joǵary bilim mınıstrlikterine 20 sáýirge deıin tıisti ádistemelik nusqaýlar men oqý-ádistemelik quraldaryn ázirleýdi tapsyramyn», dedi O. Bektenov.
О́nerkásiptik alpaýyttar qalaı baqylanady? Mınıstrlik avtomattandyrylǵan monıtorıng júıesin engizbek