Aqtóbe oblysynda ınternet arqyly esirtki saýdasyn uıymdastyrǵan qylmystyq toptyń joly kesilip, onyń músheleri uzaq merzimge sottaldy. Úılesimdi júrgizilgen jedel-tergeý jumystarynyń nátıjesinde el aýmaǵyna taralǵan iri zańsyz jeli tolyq áshkerelendi, dep jazady Egemen.kz.
Aqtóbe oblysynyń prokýratýrasy Polısııa departamenti jáne Ekonomıkalyq tergep-tekserý departamentimen birlesip, ınternet alańdary arqyly psıhotroptyq zattardy taratýmen aınalysqan uıymdasqan qylmystyq toptyń qyzmetin toqtatty. Tergeý barysynda qylmystyq shema júıeli túrde qurylǵany anyqtaldy. Ol «Telegram» messendjeri arqyly «kontaktisiz satý» tásilimen júzege asqan.
Qylmyskerler tapsyrystardy qashyqtan qabyldap, tólemderdi «dropperler» dep atalatyn tulǵalardyń banktik kartalary arqyly júrgizip otyrǵan. Bul tásil olardyń uzaq ýaqyt boıy zańsyz áreketterin jasyrýyna múmkindik bergen.
Ákesi ulyna esirtki jasaýdy úıretken: Aqmola oblysynda iri zerthana joıyldy
Jedel-tergeý sharalary men qarjy qozǵalysyn taldaý nátıjesinde top músheleri Qaraǵandy, Soltústik Qazaqstan, Aqmola jáne Aqtóbe oblystarynda, sondaı-aq Astana qalasynda anyqtalyp, ustaldy. Barlyǵy alty adamnan turatyn uıymdasqan qylmystyq top áshkerelendi. Zańsyz aınalymnan 10 kılogramnan astam psıhotroptyq zat tárkilendi.
Almatyda jasyrylǵan esirtki zerthanasy áshkerelendi
Atalǵan derek boıynsha ótken jyldyń qyrkúıeginde Aqtóbe oblysynyń arnaıy prokýrorlary «Qymyz shop» ınternet-dúkeni arqyly esirtki taratqan topqa qatysty tergeýdi aıaqtap, isti sotqa joldaǵan edi. 2026 jylǵy 17 naýryzda Aqtóbe oblysynyń qylmystyq ister jónindegi mamandandyrylǵan aýdanaralyq soty úkim shyǵaryp, toptyń alty múshesin kináli dep tanydy. Olarǵa 15 jyldan 17 jylǵa deıin bas bostandyǵynan aıyrý jazasy taǵaıyndaldy.
Semeıde JI kómegimen jalǵan sýret jasaǵan turǵyn jaýapqa tartyldy
Quqyq qorǵaý organdarynyń málimetinshe, jyl basynan beri óńirde esirtki qylmysyna qarsy kúres júıeli túrde júrgizilip keledi. Máselen, eriktiler men kolledj stýdentteriniń qatysýymen ınternet-esirtki dúkenderin jarnamalaıtyn 20-dan astam graffıtı anyqtalyp, joıyldy. Osy derekter boıynsha eki sotqa deıingi tergep-tekserý bastaldy.