QOSTANAI. 13 mamyr. Qostanaı oblysynyń Altynsarın aýdanynda Keńes Odaǵynyń Batyry Sergeı Amelıchkınke eskertkish ornatyldy. Bul týraly egemen.kz tilshisi habarlady.
Batyr eskertkishi Altynsarın aýdanynyń ortalyǵy Obaǵan selosynyń ortalyq gúlzarynan oryn tepti. Eskertkishtiń ashylýyna aýdandaǵy tyl ardagerleri, jalpy jurtshylyq, aýdan basshylary qatysty.
Sergeı Georgıevıch Amelıchkın - osy aýdannan Uly Otan soǵysyna qatysqan maıdangerlerdiń arasynan shyqqan jalǵyz Keńes Odaǵynyń Batyry. Ol soǵys kezinde 1-tank armııasynyń 11-shi gvardııalyq tank korpýsy 1454-shi ózdiginen júretin artıllerııalyq polktaǵy SÝ-85 júrgizýshi-mehanıgi, starshına boldy. Ameldechkın Kýrs-Orıol otty doǵasynda qyrǵyn soǵysqa qatysty. Onyń osy urysta kórsetken erligi «Qyzyl Juldyz» ordenimen atalyp ótti. Ol qyzmet etken 11 tank polki gvardııalyq mártebesin aldy.
Eýropany azat etýge qatysqan jerlesimiz Polshadaǵy Pılısın ózenin keship ótý kezinde kórsetken erligi úshin Keńes Odaǵynyń Batyry ataǵyn aldy. Sergeı Georgıevıch soǵystan Altynsarın aýdanyna oralyp, eńbekke aralasty. 1981 jyly qaıtys boldy.
Názıra Járimbetova.
Derek, sýret: egemen.kz