Memleket basshysy jaqyn arada memlekettik nagradalar qataryna Qoja Ahmet Iаsaýı ordenin engizý jóninde Jarlyqqa qol qoıatyny aıtty, dep habarlaıdy Egemen.kz.
2026 jylǵy 21 naýryzda Túrkistan oblysynyń jurtshylyǵyna sóz sóılegen Memleket basshysy Qasym-Jomart Toqaev jaqyn arada Hodja Ahmet Iаsaýı ordenin memlekettik nagradalar tizimine engizý týraly Jarlyqqa qol qoıatyndaryn málimdedi.
«Biz, elimizde turyp jatqan birtutas qazaq halqy, jańa Ata zańdy baǵdar etip ustap, judyryqtaı jumylyp, memlekettiligimizdi odan ári nyǵaıta berýimiz kerek. Osy sátti paıdalanyp, taǵy bir mańyzdy máseleni kótereıin dep otyrmyn. Men Ulttyq quryltaıdyń otyrysynyń birinde áıgili Qoja Ahmet Iаsaýı týraly aıttym.
Bul – búkil jer júzindegi adamzatqa ortaq ǵulama, ony bárimiz eń aldymen qazaq halqynyń maqtanyshy retinde qabyldaýymyz kerek. Qoja Ahmet Iаsaýıdi álemniń árbir túkpirinde, ásirese, iri memleketterde keń aýqymda dáripteýimiz qajet, biraq eń birinshiden Qazaqstannyń jurtshylyǵyna tanymal etýimiz kerek», dedi Prezıdent.
Prezıdent: Halqymyzdyń tarıhı taǵdyry – ózimizdiń qolymyzda
Sonymen qatar Memleket basshysy osy tarıhı tulǵaǵa joǵary sapaly týyndylardy jáne fılmderdi arnaýymyz kerek ekenin aıtty. Elimizdiń árbir oblysynda Qoja Ahmet Iаsaýıdiń biregeı zııatkerlik murasyna arnalǵan oqýlardy uıymdastyrý qajet.
«Men jaqyn arada memlekettik nagradalar qataryna Qoja Ahmet Iаsaýı ordenin engizý jóninde Jarlyqqa qol qoıamyn. Bul joǵary marapat belgili otandyq jáne sheteldik ǵalymdarǵa, memleket jáne qoǵam qaıratkerlerine tapsyrylady. Bul ordenniń mártebesi joǵary bolýǵa tıis», dedi Prezıdent.
Aıta keteıik, búgin Memleket basshysy Qasym-Jomart Toqaev Túrkistan oblysyna jumys saparymen baryp, Qoja Ahmet Iаsaýı kesenesine zııarat etti.