Aıtystyń aqtańgeri

Alaman aıtysqa elimizge tanymal sóz sheberleri, kil myqtylar qatysyp, ózara baq synasty. Sahna tórinde ótken tartysty dodada aqyndar sýyrypsalmalyq ónerdiń úzdik úlgisin kórsetip, el birligi, ulttyq qundylyq pen qoǵamdaǵy ózekti máselelerdi keńinen jyrlap, kórermenge erekshe rýhanı serpilis syılady. Árıne, Bekarys Shoıbekov te aqyndar nazarynan tys qalǵan joq. Onyń qoǵamdaǵy orny, aıtys ónerine qosqan úlesi, adamı bolmysy aqyndar jyryna arqaý boldy. Ázil-shyny aralas jyr joldary da arnaldy. Mysaly, Iranǵaıyp aqyn: «Atqa minse qalady qyzyq bolmaı, At basyndaı altyn da, kúmisiń de. Aıtystyń shaıyn iship kórmesede, Aıtys úshin baratyn «ý» ishýge. «Arystan», «kıller» aqyn atandy ǵoı, Meıirim bolmaǵan soń dym ishinde. Bezbúırek Bekarysty dál osylaı, Maqtaımyn dep oılamappyn tirisinde...» dep ázildese, Erkebulan Qaınazar: «Bekeńdi «Arystan» dep tekke aıtpaıdy, Arttaǵy inileri quraq ushqan. Týyp-ósken jerinde jatyr onyń, Qoja Ahmet Iаsaýıdiń piri Arystan. Muzbalaq Muqaǵalı aıtqandaıyn, Sózimdi keltireıin qurap yqsham. «Bir Arystan ómirden ótkenimen, О́mir súrip keledi tiri arystan», dep jyrǵa qosty.

Aıtystyń qazylar alqasyna aqyn, «Otan» ordeniniń ıegeri, Qazaqstannyń halyq jazýshysy Júrsin Erman tóraǵalyq etip, Qazaqstannyń eńbek sińirgen qaıratkeri, «Parasat» jáne «Qurmet» ordenderiniń ıegeri, belgili aqyn Amanjol Áltaı júrgizdi. Kóp­shiliktiń kóńilinen shyqqan jyr dodasynyń qorytyndysy boıynsha bas júldeni Astana qalasynan kelgen Iranǵaıyp Kúzenbaev ıelendi. Al II oryn túrkistandyq Daýren Aqsaqalov pen Batys Qazaqstan oblysynan Jansaıa Mýsınaǵa buıyrdy. III oryndy Qyzylorda oblysynan Muh­tar Nııazov pen Meıirbek Sultanhan enshiledi.

Aıta ketelik, Túrkistandaǵy Dos­tyq úıinde Bekarys Shoıbekovtiń «Aı­tystyń altyn aıdar Bekarysy» atty tórt tomdyq kitabynyń tusaýy kesilip, sahna sheberleriniń abyzyna, aqylshysyna aınalǵan Júrsin Erman men aıtystyń qazirgi uıym­dastyrýshysy Amanjol Áltaı bastaǵan top jyly lebizderin bildirdi.

TÚRKISTAN