Ulttyq statıstıka bıýrosy zertteýleriniń qorytyndysyna sáıkes, ótken jyldyń tórtinshi toqsanynda elde keminde 176,6 myń jumyspen qamtylǵan azamat jumys ornyn aýystyrǵysy keletinin aıtqan, dep jazady Egemen.kz.
Bul – eńbek naryǵynda «jasyryn jumystan ketý» dep atalatyn qubylystyń kórinisi. Iаǵnı adamdardyń jumystan shyǵý týraly sheshim qabyldaǵanymen, naqty qaıda baratynyn áli anyqtamaǵan nemese jańa jumys izdeý prosesinde júrgenin ańǵartady.
Zertteýge saı jumys ornyn aýystyrýǵa tabystyń tómen ekendigi sebep bolyp otyr.
Mundaı pikirdi respondentterdiń – 42,7%-y, ıaǵnı 75,5 myń adam bildirgen. Sonymen qatar 26% qyzmetker óz mamandyǵy boıynsha jumys istemeıtinin aıtyp, jumystan ketkisi keletinin jetkizgen.
Jas kadrlarǵa suranys: Qostanaıda eńbek naryǵy keńeıip keledi
Shamamen 10,6 myń adam bul sheshimge jeke nemese otbasylyq jaǵdaılarǵa baılanysty kelgen. Budan bólek, jumys ornynyń alys ornalasýy nemese oǵan qatynaýdyń qolaısyzdyǵy, sondaı-aq kompanııa tarapynan áleýmettik kepildikterdiń jetkiliksizdigi de negizgi sebepterdiń qatarynda atalǵan.
Bul úrdis eńbek naryǵyndaǵy jalpy dınamıkamen de sáıkes keledi. Jeke rekrýtıngtik kompanııa Hh.kz derekteri boıynsha, bıylǵy jyldyń qańtar-aqpan aılarynda platformadaǵy túıindemeler sany ótken jyldyń osy kezeńimen salystyrǵanda 24%-ǵa artqan. Bul jumys izdeýshilerdiń aıtarlyqtaı kóbeıgenin, olardyń bir bóligi túıindemesin jańartqanyn, endi biri alǵash ret tirkelgenin kórsetedi.
Eńbek naryǵy: maman kóp, jumysshy tapshy
Eń joǵary ósim satý jáne qyzmet kórsetý salasynda – 26%, saqtandyrý sektorynda – 26% jáne aqparattyq tehnologııalar salasynda – 23% kórsetkish negizinde baıqalǵan.
Eńbek naryǵyndaǵy sáıkessizdik: Bos jumys orny kóp pe álde jumyssyzdar ma?