Elimizde turǵyn úı-kommýnaldyq sharýashylyǵyn jańǵyrtýǵa salynǵan ınvestısııalar nátıjesinde 19 myń shaqyrymnan astam ınjenerlik jeli jóndeldi. Bul jelilerdiń tozý deńgeıin tómendetip, halyqqa kórsetiletin kommýnaldyq qyzmetterdiń senimdiligin arttyrdy. Bul týraly elordada ótken dóńgelek ústelde Tabıǵı monopolııalardy retteý komıtetiniń tóraǵasy Tımýr Qosymbaev aıtty, dep habarlaıdy Egemen.kz.
Tımýr Qosymbaev atap ótkendeı, buryn jelilerdiń eskirgendigi jylý, sý jáne elektr energııasyn jetkizý kezinde apattar men úzilister qaýpin týdyrǵan. 2023 jyldan bastap kommýnaldyq ınfraqurylymdy aýqymdy jańǵyrtý bastaldy, al jelilerdi jóndeý kólemi 2022 jylmen salystyrǵanda eki esege artty.
Digital Qazaqstan: Energetıka ınfraqurylymy onlaın júıege biriktirildi
2025 jyldan bastap iske qosylǵan «Energetıkalyq jáne kommýnaldyq sektorlardy jańǵyrtý» ulttyq jobasy aıasynda 31,6 mlrd teńgege 17 pılottyq joba qarjylandyrylyp, onyń altaýy qazirdiń ózinde aıaqtalǵan.
Jańǵyrtý jumystarynyń nátıjelerinde Shymkent qalasy men Túrkistan oblysynda 104 shaqyrym elektr jelisi jańartyldy.Sondaı-aq Taıynsha jáne Temirtaý qalalarynda jylý jelileri jóndeldi. Jetisý oblysynda 6,4 myń tutynýshy úshin elektr energııasyn óndirý kólemi ulǵaıtyldy.
Sonymen qatar 8 kásiporyn qaýipti tozý deńgeıinen shyǵaryldy. Qabyldanyp jatqan sharalar salanyń júıeli jańarýyna jáne turaqty nátıjege qol jetkizýge múmkindik berip otyr.
Energetıka men qaýipsizdik máselesi zerdelendi
Aldaǵy ýaqytta kommýnaldyq ınfraqurylymdy jańǵyrtý jumystary jalǵasady, 2026 jyly taǵy 7,6 myń shaqyrym ınjenerlik jeli jóndelmek.