Ramazan aıynda izgi amal jasaý túrkistandyq jastar arasynda dástúrge aınalǵan. Jyldaǵy úrdispen Túrkistan qalasyndaǵy «Bekzat» shaǵyn aýdanynyń 1995 jyly týǵan er-azamattary kópbalaly otbasyna baspana kiltin tabystady.
Jalǵyzbasty ana Aısulý Kósherbaeva taǵdyr taýqymetimen múmkindigi shekteýli ákesine qamqorlyq jasaı júrip, tórt perzentimen birneshe jyldan beri páter jaldap kúneltip kelgen. Ramazan aıynda qaıyrymdy istiń sharapatyn kórgen otbasy jaqsylyqqa jany qumar jandarǵa alǵysyn bildirdi. Bes bólmeli baspananyń lentasyn qıyp, kiltin tabystaý aýyl aqsaqaly Dáýletkereı Ospanovqa, Olımpıada chempıony Bekzat Sattarhanovtyń anasy Syrlykúl Adyrbekqyzyna, memleket jáne qoǵam qaıratkeri О́zbekáli Jánibekovtiń qaryndasy Aıǵanym Serimge buıyrdy. Aıta keteıik, 1988 jyly týǵan azamattardyń bastamasymen qolǵa alynǵan Naýryz merekesi qarsańynda bir otbasyn baspanamen qamtý sharasyn bul joly 1995 jyly týǵan jigitter jalǵastyrdy. Igi dástúrdiń nátıjesinde osy ýaqytqa deıin 20 otbasy baspanaly bolyp otyr.
Shardara aýdany Qosseıit aýyldyq okrýginde «Syrdarııa» jalpy orta mektebin 2006 jyly bitirgen túlekter kópbalaly ári baspanaǵa muqtaj otbasyna baspana syılady. Sondaı-aq aýdan ákimi Arman Qarsybaev ortalyq meshittiń bas ımamy Qajymuqan Qazybaevqa demeýshilerdiń qoldaýymen alynǵan bes bólmeli qyzmettik úı men jańa qyzmettik avtokólikti saltanatty túrde tabys etti.
Oraza aıt qarsańynda Tólebı aýdanynda da qaıyrymdylyq sharasy ótti. «Qýanysh Eshenqul» jeke qorynyń demeýshiligimen uıymdastyrylǵan ıgi is barysynda 200 áleýmettik az qamtylǵan otbasyna azyq-túlik sebetteri tabystaldy.
Túrkistan oblysy