Seriktestik maqsat, senimdi baılanys

Otyrysqa Tájikstan Respýblıkasy Premer-mınıstriniń orynbasary Sýlaı­mon Zıezoda, Túrikmenstan Mınıstr­ler kabıneti tóraǵasynyń orynbasary Tangry­gýly Atahallyev, О́zbekstan Respýblıkasy Prezı­dentiniń keńesshisi Shýhrat Ganıev, Qazaqstan Respýblıkasy  Sý re­sýrstary jáne ırrıgasııa mınıstri Nurjan Nurjigitov jáne AQHQ atqarý ko­mı­tetiniń tóraǵasy Ashat Orazbaı qatysty.

Qyrǵyz Respýblıkasy otyrysqa baqy­laýshy el retinde qatysty. Delegasııany Sý resýrs­tary qyzmetiniń dırektory, mınıstr­diń orynbasary Almaz Jeenalıev basqardy.

Atalǵan otyrystyń mańyzy erekshe. Ol Qazaqstan Respýblıkasynyń AQHQ tóraǵalyǵynyń qorytyndy kezeńinde ótip otyr jáne Qordy qurǵan memleketter basshylary keńesiniń otyrysyna daıyndyqtyń negizgi kezeńi bolyp sanalady.

«Elderimizdiń birlesken jumysy men memleket basshylarynyń saıası erik-jigeriniń arqasynda transshekaralyq sý resýrstaryn basqarý jáne Aral teńizi basseınindegi jaǵdaıdy jaqsartýǵa baǵyt­talǵan óńirlik bastamalardy ilgeriletý bo­ıynsha turaqty ózara is-qımyl júıesin saqtap qala aldyq. О́tken kezeńde Qordyń júıe­li jumysyn qamtamasyz etip, syndarly dıa­logti saqtaýǵa jáne birqatar mańyzdy bas­ta­many ilgeriletýge qol jetkizdik. Búgin­gi kezdesý aldaǵy ýaqytta memleket bas­shy­larynyń qaraýyna usynylatyn negizgi máseleler boıynsha kelisilgen tásilderge kelýge múmkindik beredi dep senemin», - dedi Q.Bozymbaev is-sharany ashý barysynda. 

Otyrys qorytyndysy boıynsha bes birlesken sheshimge qol qoıyldy. Atap aıt­qanda, 2026 jylǵy 22 sáýirde Astanada óte­tin Qordy qurýshy memleketter basshy­lary keńesiniń aldaǵy otyrysyna daıyndyq, esepti kezeńdegi AQHQ Atqarý komıtetiniń qorytyndy jumysy, sondaı-aq Qordyń uıym­dastyrýshylyq qurylymy men shart­tyq-quqyqtyq bazasyn jetildirý másele­leri boıynsha sheshimder qabyldandy.

Sonymen qatar AQHQ Atqarý komıteti men halyqaralyq damý seriktesteriniń birles­ken baǵdarlamalardy júzege asyrý­daǵy qyzmetin úılestirý tártibin retteıtin qujat jáne Qor basqarmasynyń kelesi oty­ry­synyń kún tártibi bekitildi.

Budan bólek, Syrdarııa ózeni basseıninde sý resýrstaryn esepke alý, monıtorıng júr­gizý, basqarý jáne bólýdiń biryńǵaı avto­mat­­tandyrylǵan júıesin engizý jónindegi ju­mys josparynyń jobasyn ázirleý, son­daı-aq 2026–2036 jyldardy «Ortalyq Azııa­da sý­dy utymdy paıdalaný boıynsha prak­t­ı­ka­lyq is-qımyldar onjyldyǵy» dep ja­rııa­laý máseleleri qaralyp, nazarǵa alyndy.