Qujattardy úıge jetkizý qyzmeti daıyn qujattardy HQKO-ǵa qaıta barmaı-aq alýǵa múmkindik beredi jáne búginde Qazaqstannyń barlyq óńirinde qoljetimdi. 2026 jyly bul qyzmetke suranys artyp keledi - alǵashqy úsh aıda 426 jetkizý rásimdelgenin «Azamattarǵa arnalǵan úkimet» memlekettik korporasııasy habarlady.
Qyzmetti ótinish berý kezinde birden rásimdeýge bolady. Qujat daıyn bolǵan soń ol kórsetilgen mekenjaıǵa jetkiziledi. Bul ýaqytyn únemdegisi keletin nemese ortalyqqa ózi bara almaıtyn azamattar úshin óte yńǵaıly.
Jetkizýdi ótinish berý kezinde birden rásimdeýge bolady. Ol úshin mekenjaıdy kórsetip, qyzmet aqysyn tóleý jetkilikti. Qujat daıyn bolǵan soń kýrer qyzmet alýshymen baılanysyp, sol kúni jetkizip beredi. Qujatty alý kezinde jeke kýálik pen rastaý kody tekseriledi
Aıta ketý kerek, kýrerlik jetkizý 15 memlekettik qyzmetti qamtıdy. Onyń ishinde týý, neke, ajyrasý jáne qaıtys bolý týraly qaıtalama kýálikter, arhıvtik anyqtamalar men bilim týraly qujattardyń telnusqalary, sondaı-aq apostıl qoıý jáne azamattyq hal aktileri jazbalaryn qalpyna keltirý bar.
Qyzmet quny óńirge baılanysty: Almaty, Astana jáne Shymkent qalalarynda jetkizý baǵasy 2061 teńge bolsa, basqa óńirlerde - 1036 teńge.
Bul rette qujatty jetkizý prosesin «SON» mobıldi qosymshasy arqyly baqylaýǵa bolady. Bul qujattyń qaı kezeńde ekenin artyq qońyraýlarsyz bilýge múmkindik beredi.
Azamattarǵa qolaıly jaǵdaı jasaý maqsatynda bul qyzmet 2024 jyly iske qosylyp, qujattardy alý prosesin jeńildetýge, ýaqytty únemdeýge jáne HQKO-ǵa qaıta barý qajettiligin azaıtýǵa baǵyttalǵan.