Qazaqstanda birinshi synypqa qujat qabyldaý merzimi ózgertildi, endi naýqan 1 sáýirde emes, 27 mamyrda bastalady. Sonymen qatar, sıfrlyq júıelerdiń turaqty jumysyn qamtamasyz etý úshin óńirler boıynsha arnaıy keste engizildi. Máselen, Qaraǵandy oblysynda qujattar 29 maýsym men 31 tamyz aralyǵynda jumys kúnderi qabyldanady, dep habarlaıdy Egemen.kz.
Qazaqstan azamattary úshin:
ata-anasynyń nemese zańdy ókiliniń ótinishi; balanyń týý týraly kýáliginiń kóshirmesi; medısınalyq qujattar (densaýlyq pasporty 026/ý-3 jáne ekpe kartasy 065/ý); 3×4 sm ólshemindegi eki fotosýret.Mektepaldy daıarlyqtan ótken jáne sol bilim berý uıymynda oqýdy jalǵastyratyn balalar birinshi synypqa avtomatty túrde qabyldanady. Bul ata-analar úshin rásimdi jeńildetedi jáne qujattardy qaıta jınaý qajettiligin joıady. Degenmen, ata-analar basqa mektepti tańdaýǵa quqyly, mundaı jaǵdaıda qujattar jalpy tártippen tapsyrylady.
1-synypqa qujat qabyldaý ýaqyty ózgerdi
Shetel azamattary úshin:
Shetel azamattaryna da negizgi talaptar ortaq, alaıda Qazaqstan aýmaǵynda zańdy turý qujaty bolýy mindetti.
ata-anasynyń ótinishi; balanyń týý týraly kýáliginiń kóshirmesi; medısınalyq anyqtama; 3×4 sm fotosýretter; Qazaqstanda zańdy turatynyn rastaıtyn qujat (yqtııarhat, ýaqytsha turýǵa ruqsat, bosqyn nemese qandas kýáligi jáne t.b.); jeke basyn kýálandyratyn qujat jáne kóshi-qon kartasy.Shetelden kelgen balalar mektepke olardyń bilim deńgeıi eskerile otyryp qabyldanady. Qujattar tolyq bolmaǵan jaǵdaıda, sheshimdi arnaıy komıssııa qabyldaıdy.
Balany 1-synypqa qalaı daıarlaımyz?
Qosymsha suraqtar boıynsha (8-7212) 50-45-25 nómirine habarlasýǵa bolady.