Nuraı Serikbaıdyń ólimine qatysty kúdiktige sot-psıhıatrııalyq tekserý júrgizilip jatyr. Bul týraly Ishki ister mınıstrligi málimdedi. Saraptama qorytyndysy shyqqan soń is sotqa joldanady, dep habarlaıdy Egemen.kz.
Ishki ister mınıstriniń birinshi orynbasary Baýyrjan Álenovtiń aıtýynsha, kúdiktige aqyl-esiniń durystyǵyn tekserý 1 aı ishinde júrgiziledi. Qorytyndy alynǵannan keıin qylmystyq is sotqa jiberiledi.
«Saraptama nátıjesi qolymyzǵa tıgen soń, qylmystyq is sotqa joldanady. Ýaıymdaýǵa negiz joq», dedi Baýyrjan Álenov Senat kýlýarynda.
Nuraı Serikbaıdyń isi «Asa qatygezdikpen kisi óltirý» babyna ózgertildi
Mınıstrlik ókiliniń aıtýynsha, mundaı tekserý – barlyq qylmystyq isterge qatysy bar tulǵalarǵa qoldanylatyn keshendi rásim.
Nuraı Serikbaıdyń óliminen keıin polısııa basqarmasyna jańa basshy keldi
Tergeý derekterine sáıkes, kúdikti qazirgi ýaqytta psıhıkalyq aýytqýy bar adamdarǵa arnalǵan arnaıy mekemede otyr. Is boıynsha tergeý jalǵasyp jatyr. Qylmystyq is kisi óltirý, májbúrlep nekege turǵyzý jáne stalkıng faktileri boıynsha júrgizilip jatyr.
Májbúrli túrde emdeledi: Nuraı Serikbaıdy óltirgen kúdikti psıhıkalyq mekemege jiberildi