Premer-mınıstr Oljas Bektenov Qazaqstan mashına jasaýshylarynyń XIII forýmynyń plenarlyq otyrysyna qatysyp, Kazakhstan Machinery Fair 2026 halyqaralyq mamandandyrylǵan kórmesindegi qazaqstandyq óndirýshilerdiń jobalarymen tanysty, dep jazady Egemen.kz.
Mashına jasaý óndirisinde lokalızasııa deńgeıin arttyrý jáne qosylǵan quny joǵary ónim shyǵarý memlekettiń basym baǵyty bolyp qala bermek. Bul rette Qazirgi kezeńde qurastyrýdan óziniń ınjenerlik sheshimderin ázirleýge jáne el ishinde joǵary tehnologııalyq aktıvter qurýǵa kóshýdi jedeldetý mańyzdy.
«О́nimniń tehnologııalyq deńgeıi jahandyq básekelestik jaǵdaıynda negizgi faktorlardyń birine aınalýda. Shyn máninde, bul – sıfrlandyrý, robottandyrý jáne jasandy ıntellektini engizý degen sóz. Atalǵan úderister Prezıdent qoıǵan aýqymdy mindetter aıasynda erekshe mańyzǵa ıe bolady. Memleket basshysy Qasym-Jomart Kemeluly Toqaev atap ótkendeı, Qazaqstan óńirdegi jetekshi sıfrlyq habtardyń birine aınalýy tıis. Bul jyldyń Sıfrlandyrý jáne jasandy ıntellekt jyly dep jarııalanýy mashına jasaý salasyn da tehnologııalyq turǵydan jańa deńgeıge kóterýge tyń serpin beredi», dedi Oljas Bektenov.Zaýyttarda jańa tehnologııalardy qoldaný aýqymdy transformasııanyń negizgi elementine aınalady.
Álemdik tájirıbe kórsetkendeı, óndiriste jasandy ıntellektini qoldaný jabdyqtarǵa tehnıkalyq qyzmet kórsetý shyǵyndaryn 40%-ǵa deıin tómendetedi. Qazaqstanda da mundaı tabysty mysaldar jetkilikti.
Bektenov mashına jasaý salasyn el ekonomıkasy ósýiniń basym baǵyttarynyń biri retinde atady
«SaryarqaAvtoProm» kásipornynda jasandy ıntellekt yqtımal aqaýlardy aldyn ala boljap, konveıerdiń kenetten toqtap qalýyna jol bermeıdi.
ERG-de sıfrlyq assıstentter men analıtıkalyq platformalar logıstıkadan bastap elektr energııasyn tutynýǵa deıingi prosesterdi ońtaılandyrady, sonyń esebinen kompanııa ótken jyly shamamen 55 mlrd teńge únemdedi. Osylaısha, «aqyldy» tehnologııalar naqty ekonomıkalyq paıda ákelip jatyr.
О́nimdi jobalaý men onyń sapasyn basqarýda JI-di qoldaný ishinara avtomattandyrýdan keń aýqymdaǵy «aqyldy zaýyttar» qurý kezeńine kóshýdi qamtamasyz etip otyr. Uzaq merzimdi perspektıvada ınnovasııalar otandyq óndirýshilerge sheteldik kompanııalarmen básekelesýge ǵana emes, sonymen qatar jahandyq naryqtarda jańa sapa standarttaryn ornatýǵa da múmkindik beredi.
Avtoóndiristiń aıshyqty belesi
Jańa býyn ınjenerlerin daıarlaýǵa basymdyq bere otyryp, adamı kapıtaldy damytýǵa da basa nazar aýdarylýda. Qazaqstandaǵy bilim berý granttarynyń 60%-dan astamy ınjenerlik jáne IT-mamandyqtarǵa baǵyttalǵan. Ozyq bilim berý tásilderi men tájirıbeleri otandyq ýnıversıtetterde de, jetekshi sheteldik tehnıkalyq joǵary oqý oryndarynyń fılıaldarynda da engizilip jatyr.