Prezıdentke 2025 jyldyń qorytyndysy men bıylǵa arnalǵan mindetter tanystyryldy, dep jazady Egemen.kz.
Juldyz Súleımenova jańa Konstıtýsııa qundylyqtaryn ilgeriletý maqsatynda oqý baǵdarlamalary men oqýlyqtardyń mazmunyn jańartý jumystary júrgizilip jatqanyn aıtty. «Taza Qazaqstan» bastamasy aıasynda ekologııalyq bilim berý standarttary ázirlendi. Sondaı-aq mektepterde «Adal azamat» birtutas tárbıe baǵdarlamasy engizilýde.
Qasym-Jomart Toqaevqa bastaýysh bilim berýdiń mazmunyna júıeli taldaý jasalǵany baıandaldy. Mektep baǵdarlamalary oqý, jazý jáne esepteý daǵdylaryna basymdyq bere otyryp, qaıta qaralýda.
Toqaev joǵary bilim men ǵylymı zertteýlerdi damytý boıynsha birqatar tapsyrma berdi
Memleket basshysyna «Keleshek mektepteri» ulttyq jobasy aıasynda 460 myń oqýshyǵa arnalǵan 217 bilim oshaǵynyń qurylysy aıaqtalǵany jóninde málimet berildi.
Salany sıfrlandyrý boıynsha keshendi sharalar qolǵa alynǵan. Búginde mektepterdiń 99 paıyzy ınternetke qosyldy. «Áleýmettik ámııan» jobasy 6760 mektepke engizilgen. Dıplomdar, attestattar men anyqtamalar sıfrlyq formatqa kóshirildi. «Ustaz» platformasy pedagogterdi attestattaý úderisin tolyǵymen avtomattandyrýǵa jol ashady. 240 myńnan astam muǵalim jasandy ıntellektini qoldaný boıynsha qaıta daıarlaýdan ótti, taǵy 200 myń pedagog ChatGPT Edu jobasyna saı JI-assıstentti paıdalaný mashyǵyn meńgerýde.
Aıda Balaeva: Qazaqstanda 700-den astam bilim berý baǵdarlamasy qysqartylady
Mınıstr ınfraqurylymdy damytý maqsatynda 184 bilim berý nysany iske qosylǵanyn jetkizdi. Úsh aýysymdy 80 jáne apatty jaǵdaıdaǵy 31 mekteptiń máselesi sheshimin tapty. 209 bilim oshaǵyna kúrdeli jóndeý jumystary júrgizilip, 1192 pándik kabınet zamanaýı qondyrǵylarmen jabdyqtaldy. Balabaqshaǵa kezek 2 esege jýyq qysqardy.
Prezıdent bilim sapasyn arttyrý jáne ony qoljetimdi etý, mektepterdegi oryn tapshylyǵyn azaıtý, jumysshy mamandardy daıarlaý júıesin damytý, bıýdjet qarjysyn tıimdi jumsaý, salany sıfrlyq turǵydan transformasııalaý, sonyń ishinde Qazaq Digital Mektebi jobasyn iske asyrý boıynsha birqatar mindet júktedi. Sonymen qatar Memleket basshysy aldaǵy úsh jylda «Keleshek mektepteri» jobasynyń ozyq tájirıbesin bilim berý uıymdaryna engizý mańyzdy dep sanaıdy.