О́ndiris ınnovasııa arqyly órkendeıdi

О́nerkásip jáne qurylys mınıstri Ersaıyn Naǵaspaev kórmeniń ashylý rásiminde mashına jasaý óńdeýshi ónerká­sip­tiń negizgi tirekteriniń bi­ri­ne aınalǵanyn aıtty. Onyń dere­ginshe, salada 4 myń ká­sip­oryn jumys isteı­di, 130 myńǵa jýyq maman eń­bek ete­di. О́tken jyl­dyń qory­tyn­dysynda óndi­ris kólemi shamamen 6 trln teńgege jetip, 18 paıyz ósim tirkelgen.

Mashına jasaý úlesi óńdeý­shi ónerkásip kóleminiń shamamen besten birin quraıdy. Bul kórsetkish ındýstrııalyq qury­lymdaǵy ózgeristerdi ańǵar­tady. Keıingi jyldary óndi­ris úderisin avtomattandyrý, sıfrlyq modeldeý, robottan­dyrý baǵytyndaǵy jobalar qarqyn aldy. Tehnologııalyq jańarý eńbek ónimdiligin arttyryp, ónim sapasyn jaqsartýǵa yqpal etip otyr.

2024–2028 jyldarǵa arnal­ǵan keshendi jospar sala da­mýynyń ınstıtýsıonaldyq negi­zin qalyptastyrýǵa baǵyt­tal­ǵan. Qu­jatta kásiporyn­dardy shıkizatpen qamta­ma­syz etý, qarjylandyrý quralda­ryn jetildirý, ınje­nerlik kadr daıarlaý, ónim ótkizý naryǵyn keńeıtý tetikteri qarastyrylǵan.

Sarapshy mamandar álemdik qun tizbegine kirigý úshin ishki ón­diristik kooperasııany kú­sheıtý mańyzdy ekenin aıtady. Jańa ındýstrııalyq saıasat otandyq kásiporyndardyń tehnologııalyq deńgeıin kóte­rýge baǵyttalýǵa tıis. Mashına jasaý – ekonomıkanyń mýltı­plıkatıvti áseri joǵa­ry salasy. Bir jobanyń iske qosylýy ondaǵan qosalqy óndiristiń damýyna yqpal etedi.

Qazaqstan mashına jasaý­shy­­­­lar odaǵy­nyń basqarma tó­raǵasy Meıram Pshembaevtyń pi­kirinshe, Machine Building jáne ındýstrııalyq baǵyttaǵy kórmesi – eń aldymen otan­dyq bıznes pen ónerkásip kásip­oryndarynyń zamanaýı tehnologııalarǵa, jańa she­­shim­derge qol jetkizýine múm­kin­dik beretin mańyzdy alań. Mun­daı kezdesýler ózara tıimdi koo­perasııany keńeıtip, bir­lesken kásiporyndar qurýǵa negiz qalaıdy.

«Búginde kórme jańa tehnolo­gııa­lar tartylatyn ári ın­nova­sııa­lyq jobalar tanystyryla­tyn mańyzdy ortalyqqa aınal­dy. Forým aıasynda ótetin bul alań otandyq ónerkásip­tiń áleýetin arttyrýǵa yqpal etip, qu­rylys pen mashına jasaý sala­laryndaǵy áriptestikti nyǵaıta túsedi», deıdi basqarma tóraǵasy.

Forým aıasyndaǵy plenarlyq otyrystar men taqyryptyq sessııalar úsh kúnge jalǵasady. Sarapshylar óndiristi jańǵyrtý, tehnologııa transferi, kadr daıarlaý máselelerin talqylap, naqty usynymdar ázirleýge nıetti.