Nazarbaev ýnıversıtetinde «Áleýmettik jáne gýmanıtarlyq ǵylymdar: qoǵamdyq qundylyqtar dıskýrsy» atty halyqaralyq ǵylymı-teorııalyq konferensııa ótti. Ony atalǵan joǵary oqý ornyndaǵy Qazaq tili jáne túrkitaný kafedrasy uıymdastyrdy.
Jıynnyń ashylýynda Nazarbaev ýnıversıtetiniń stýdenttik ister jáne halyqaralyq yntymaqtastyq jónindegi vıse-prezıdenti Qadısha Daıyrova, Jaratylystaný, áleýmettik jáne gýmanıtarlyq ǵylymdar mektebiniń dekany Gonsalo Hortelano men Qazaq tili jáne túrkitaný kafedrasynyń meńgerýshisi Iýlaı Shamıloǵly sóz alyp, konferensııa jumysyna sáttilik tiledi.
Is-shara aıasynda halyqaralyq deńgeıdegi jetekshi ǵalymdar baıandama jasady. Negizgi baıandamashynyń biri – AQSh-tyń «Coastal Carolina» ýnıversıtetiniń professory Anna Oldfıld «Talqylaýdan tájirıbege deıin: Ortalyq Azııa ádebıetin oqýda, oqytýda jáne aýdarýda postkolonııalyq teorııany paıdalaný» taqyrybyndaǵy baıandamasyn oqydy. Sonymen qatar ol «Jasandy ıntellekt dáýirinde ádebıetti oqytý» atty arnaıy semınar ótkizdi. Sondaı-aq onlaın formatta baıandama jasaǵan AQSh-taǵy «Michiga ýnıversıtetiniń professory, antropolog Roz Ýelman birlesken avtorlyq pen etnografııadaǵy postkolonııalyq zertteý ádisterine toqtaldy. Al E.Bóketov atyndaǵy Qaraǵandy ulttyq zertteý ýnıversıtetiniń professory Aınash Mustopaeva elimizdegi gýmanıtarlyq ǵylymdaǵy postkolonııalyq dıskýrs máselesin jan-jaqty taldady.
Sonymen birge jıyn aıasynda til, ádebıettaný, túrkitaný ǵylymy: mádenı jáne tarıhı sabaqtastyq, qoǵamdyq qundylyqtardyń tarıhı, antropologııalyq jáne fılosofııalyq negizderi sekildi baǵyttar boıynsha sessııa uıymdastyryldy.