Ishki ister mınıstrligi esirtki qylmysyn jaqyn týystardyń uıymdastyrý, satý faktileri jıilegenin málimdedi, dep jazady Egemen.kz.
Máselen, Almaty qalasynda aǵaıyndy eki azamat shamamen bir kılogramm sıntetıkalyq alfa-PVP esirtkisin tasymaldaý kezinde ustalǵan. Buryn sottalǵan aǵasy zańsyz iske inisin de tartqan. Tutqyndaý barysynda olardan qarý jáne oq-dáriler tárkilengen.
Ishki ister mınıstrligi 34 jasyryn esirtki zerthanasyn joıdy
Almaty oblysynda da eki aǵaıyndy uıymdastyrǵan fıtozerthana joıyldy. Olar úıdi jalǵa alyp, asa iri kólemde marıhýana ósirgen. Ustalǵandardan jalpy salmaǵy 61 kılogramm bolatyn 102 túp marıhýana ósimdigi bar qumyralar, sondaı-aq jaryqdıodty fıtoshamdar, jeldetý júıeleri jáne ózge de jabdyqtar tárkilengen.
Qyzylordada esirtki satqan azamat 8 jylǵa sottaldy
Sondaı-aq Almaty turǵyny ápkesiniń senimin paıdalanyp, onyń páterinde esirtki qaptaǵan. Ustaý kezinde 100-den astam zip-lock paket jáne shamamen 500 gramm mefedron tárkilengen. Cáýir aıynyń on kúninde zańsyz aınalymnan bir tonnaǵa jýyq esirtki, onyń ishinde 800 keliden astam sıntetıkalyq esirtki tárkilendi.
Ulytaý oblysynda Telegram arqyly esirtki satpaq bolǵan qylmystyq top ustaldy
«Barlyq kúdikti ýaqytsha ustaý ızolıatoryna qamaldy. Atalǵan faktiler boıynsha sotqa deıingi tergep-tekserý júrgizilip jatyr. Zań aıasynda atalǵan qylmys úshin múlki tárkilenip, 12 jylǵa deıin bas bostandyǵynan aıyrý jazasy kózdelgen. Esirtki óndirý men taratýdyń kez kelgen áreketi qatań túrde toqtatylady», dedi IIM esirtki qylmysyna qarsy is-qımyl komıteti tóraǵasynyń orynbasary Qýandyq Áljanov.