Yandex Qazaqstan kompanııasy eldegi «Alısa» II-assıstentin paıdalaný kórsetkishterin taldap, sońǵy derekterdi jarııalady. Zertteý nátıjesine sáıkes, assıstentpen qazaq tilinde sóılesetin qoldanýshylar sany qarqyndy ósip jatyr. Sońǵy úsh aıdyń ózinde olardyń qatary 30 paıyzdan astam artqan, dep habarlaıdy Egemen.kz.
Sarapshylardyń aıtýynsha, Qazaqstanda «Alısa» ornatylǵan smart-qurylǵylardyń taralýy da kóbeıgen. Qazirgi tańda el boıynsha bir mıllıonnan astam aqyldy stansııa qoldanysta. Bul – shamamen ár altynshy úıde osyndaı qurylǵy bar degen sóz.
Aqyldy qurylǵylar eń kóp tirkelgen qalalar bestigine Almaty, Astana, Qaraǵandy, Pavlodar jáne Aqtóbe kiredi.
STEM zerthanasy: Jarkenttik oqýshylar 3D tehnologııasy men IT-baǵdarlamalaýdy meńgerdi
Bıylǵy jyldyń basynan beri Qazaqstandaǵy «Alısa» assıstentiniń kúndelikti aýdıtorııasy 18 paıyzǵa ulǵaıǵan. Qoldanýshylar ony kóbine «aqyldy úıdi» basqarý, mýzyka tyńdaý jáne bilim alý maqsatynda paıdalanady. Ásirese oqýshylar men stýdentter úshin kúrdeli taqyryptardy túsindirýde kómekshi quralǵa aınalyp otyr.
Yandex Qazaqstan basshysy Tımýr Shalekenovtiń sózinshe, qazaq tilindegi suranystyń artýy II tehnologııalardyń halyqqa jaqyndaı túskenin kórsetedi.
Astanada 13 elden kelgen stýdent JI tehnologııalardyń zań júıesine áserin zerttedi
Aıta keteıik, «Alısa» ornatylǵan smart-stansııalar elimizdegi iri elektronıka dúkenderinde, sondaı-aq brendtiń resmı dúkeni men onlaın alańdarda keńinen satylymda bar.