Qazaqstanda ekinshi atom elektr stansııasyn salý boıynsha jumys jalǵasyp jatyr. Jańa nysan Balqash kóli mańynda ornalasýy yqtımal. Bul týraly Aqorda kýlýarynda Atom energııasy jónindegi agenttik tóraǵasy Almasadam Sátqalıev málimdedi, dep habarlaıdy Egemen.kz.
Almasadam Sátqalıevtyń aıtýynsha, ekinshi atom elektr stansııasynyń jumys ataýy «Moıynqum» dep atalady. Eki energobloktan turady dep josparlanǵan jobanyń árqaısysy 2200 megavatty qýatty quraıdy.
Atom energetıkasy salasy: Uzaq merzimdi baǵdar aıqyndaldy
«Ekinshi stansııa boıynsha sheshim bar. Ol da Balqash mańynda salynady. Qazirgi tańda úsh perspektıvti alań zerttelip jatyr. Qorytyndysy boıynsha naqty ornyn habarlaımyz», dedi Sátqalıev.
Sonymen qatar agenttik tóraǵasy jobaǵa halyqaralyq seriktesterdi tartý máselesi qarastyrylyp jatqanyn atap ótti. Qazirgi ýaqytta áleýetti vendorlardy anyqtaý boıynsha kelissózder júrgizilýde. Buǵan deıin Qytaı kompanııalary negizgi úmitkerlerdiń biri retinde qarastyrylǵany aıtylǵan.
Atom energetıkasy mamandary «Bolashaq» baǵdarlamasy aıasynda bilim alady
Aıta keteıik, Qazaqstan 2060 jylǵa deıin keminde úsh atom elektr stansııasyn salýdy josparlap otyr.