Isti Sarysý aýdandyq soty qaraǵan. Sot materıaldaryna sáıkes, 2026 jyldyń qańtar aıynda áıel áleýmettik jelidegi paraqshasynda basqa bir áıelge qatysty balaǵat jáne qorlaıtyn jazbalar jarııalaǵan. Ol jazbalarǵa jábirlenýshiniń fotosýretterin qosa tirkep, jaǵymsyz pikirler qaldyrǵan, dep habarlaıdy Egemen.kz.
Sotta aıyptalýshy óz kinásin moıyndap, bul áreketke qyzǵanysh sebep bolǵanyn aıtqan. Onyń sózinshe, ol kúıeýiniń jábirlenýshimen qarym-qatynasyna kúmándanyp, emosııaǵa berilgen.
Jábirlenýshi bul jaǵdaı onyń ar-namysyna, bedeline jáne otbasylyq ómirine zııan keltirgenin málimdegen. Ol zańdy nekede ekenin, alty balany tárbıelep otyrǵanyn aıtyp, bolǵan oqıǵa ózine jáne otbasyna moraldyq aýyr soqqy bolǵanyn jetkizgen.
Jalǵan aqparat taratýdyń jaýapkershiligin bilemiz be?
Istiń sońynda sot sheshimi zań aıasynda qaralyp, aıyptalýshy jaýapkershilikke tartylǵan.