Kezdesý barysynda Qazaqstan Eýropa qaýipsizdik jáne yntymaqtastyq uıymymen, sondaı-aq onyń Parlamenttik assambleıasymen seriktestikti nyǵaıtýǵa múddeli ekeni atap ótildi, dep habarlaıdy Egemen.kz.
Qasym-Jomart Toqaev Astananyń ekologııalyq kún tártibi men turaqty damý baǵytyndaǵy kúsh-jigerine dáıekti túrde qoldaý kórsetkeni úshin EQYU Parlamenttik assambleıasyna joǵary baǵa berdi.
Sonymen qatar Prezıdent memleketter arasyndaǵy dıalog, senim men túsinistikti kúsheıtýge septigin tıgizetin qural retinde parlamenttik dıplomatııaǵa aıryqsha mán beretinin jetkizdi. Qasym-Jomart Toqaev Pere Joan Ponske elimizde júrgizilip jatqan aýqymdy saıası reforma jóninde baıandady.
Onyń aıtýynsha, jańa Konstıtýsııa memleket ınstıtýttarynyń ornyqtylyǵyn qamtamasyz etýge, basqarý júıesiniń tıimdiligin arttyrýǵa jáne adam quqyqtaryn qorǵaý tetikterin kúsheıtýge baǵyttalǵan.
Prezıdent Dúnıejúzilik densaýlyq saqtaý uıymynyń bas dırektorymen kezdesti
Pere Joan Pons О́ńirlik ekologııalyq sammıtte qozǵalǵan máselelerdiń ózektiligine toqtaldy. Ol óńirlik kún tártibin ilgeriletý men ortaq bastamalardy júzege asyrý jolynda Ortalyq Azııa elderiniń jumyla biletinine kóz jetkizgenin aıtty.
Prezıdent halyqaralyq konvensııa jetekshilerimen kezdesý ótkizdi
Kezdesý sońynda Memleket basshysy Qazaqstannyń EQYU Parlamenttik assambleıasymen yntymaqtastyqty odan ári nyǵaıtýǵa daıyn ekenin rastap, nátıjeli yqpaldastyq jalǵasyn tabatynyna senim bildirdi.