Parlament Májilisiniń otyrysynda veterınarııa máseleleri boıynsha zańnamalyq aktilerge ózgerister men tolyqtyrýlar engizý týraly zań jobasy tanystyryldy. Qujatta veterınar mamandarǵa qosymsha tólemder men ústemaqylar engizý kózdelip otyr, dep habarlaıdy Egemen.kz.
Májilis depýtattary tarapynan ázirlengen zań jobasy veterınarııa salasyndaǵy zańnamany odan ári jetildirýge jáne veterınarııalyq qyzmettiń tıimdiligin arttyrýǵa baǵyttalǵan.
«928 mln teńge»: Túrkistan oblysynda veterınarlyq qyzmet memleketten iri qarajat jymqyrǵan
Depýtat Nurjan Áshimbetovtiń málimetinshe, zań jobasynda veterınarııa salasyndaǵy ókilettikterdi memlekettik basqarý deńgeıleri arasynda naqty bólý kózdelgen.
«Atap aıtqanda, jergilikti atqarýshy organdarǵa janýarlardan qan alý júıelerin memlekettik satyp alý fýnksııasyn berý usynylady. Sonymen qatar, oblystyq mańyzy bar qalalar men aýdandar ákimdikterine bıotermııalyq shuńqyrlardy, soıý alańdaryn salý, rekonstrýksııalaý jáne olardy kútip-ustaýdy uıymdastyrý quzyreti beriledi», dedi Májilis depýtaty.
«Malshy men veterınar joq»: Depýtat azyq-túlik qaýipsizdigine qaýip tónip turǵanyn aıtty
Zań jobasyna Úkimet tarapynan oń qorytyndy berilgen. Sonymen qatar, Respýblıkalyq bıýdjet komıssııasy memlekettik bıýdjetten qosymsha shyǵyndar bólýge kelisim bergen. Osy maqsatta jyl saıyn shamamen 27 mıllıard teńge bólý kózdelgen.