Almatyda aıaldamada qart áıelge shabýyl jasaǵan kúdikti jedel ustaldy. Oqıǵa týraly Threads áleýmettik jelisinde jábirlenýshiniń qyzy jazǵan, dep habarlaıdy Egemen.kz.
Onyń aıtýynsha, oqıǵa Sanatorıı Almaty kóshesinde bolǵan. Kúdikti aınalada eshkim joq sátti paıdalanyp, 66 jastaǵy áıelge artynan kelip, basy men denesiniń joǵarǵy bóligine qol-aıaǵymen aıaýsyz soqqy jasaǵan. Qazirgi ýaqytta zardap shekken áıel aýrýhanada jatyr.
Almaty qalalyq polısııa departamentiniń málimetinshe, atalǵan derek boıynsha Bostandyq aýdandyq polısııa basqarmasy qylmystyq is qozǵaǵan. Kúdikti jedel-izdestirý sharalary barysynda anyqtalyp, ustalyp, ýaqytsha ustaý ızolıatoryna qamalǵan.
Ákesin soqqyǵa jyqqan azamattyń isi: Sot aıyptalýshyǵa qatysty úkimdi ózgertti
Qazirgi tańda polıseıler oqıǵanyń mán-jaıyn jan-jaqty jáne obektıvti anyqtaýǵa baǵyttalǵan tergeý áreketterin júrgizip jatyr.
Eske sala keteıik, Túrkistan oblysy Shardara aýdanynda 70 jastaǵy densaýlyǵy nashar ákesin júıeli túrde uryp kelgen kúdiktiniń jazasy qatańdatylǵan edi.