Ortalyqta jasandy ıntellekt salasyndaǵy ǵylymı zertteýler men bilim berý baǵdarlamalary júrgizilip, startap-bastamalar men basqa da qoldanbaly sheshimderdiń engizilýine jaǵdaı jasalady, dep habarlaıdy Egemen.kz Aqordanyń baspasóz qyzmetine silteme jasap.
Iske asyrylyp jatqan jobalar JI tehnologııasyn memlekettik sektorda, bızneste jáne kúndelikti ómirde qoldanýǵa múmkindik beredi.
Jalpy, Ortalyq Memleket basshysynyń Qazaqstandy tehnologııalyq, zamanaýı jáne básekege qabiletti elge aınaldyrýdy kózdeıtin strategııalyq baǵdaryn oryndaý maqsatynda qurylǵan.
Prezıdent Ortalyqty aralaý barysynda Astana Smart City jobasynyń iske qosylǵanyna kýá boldy.
Bul – ıntellektýaldy qala ınfraqurylymynyń jańa býynyn qalyptastyratyn mańyzdy bastama.
Presight.AI kompanııasynyń bas dırektory Tomas Pramotedham qala júıeleri men derekterdi naqty ýaqyt rejıminde biriktiretin biryńǵaı AI-platformany, sondaı-aq onyń shahardy basqarý tıimdiligin arttyrý barysyndaǵy qoldaný múmkindikterin tanystyrdy.