№119 orta mektepte «Taza Qazaqstan» ekologııalyq jobasy aıasynda «Keleshek baǵy – mektep aýlasyn kógaldandyrý» atty is-shara uıymdastyryldy. Shara senbilik jáne aǵash otyrǵyzý formatynda ótkizilip, oǵan oqýshylar, pedagogter, ata-analar jáne Ákeler keńesiniń músheleri qatysty, dep habarlaıdy Egemen.kz.
Atalǵan bastama ekologııalyq mádenıetti qalyptastyrýǵa, otbasylyq qundylyqtardy nyǵaıtýǵa jáne tárbıedegi ákeniń rólin arttyrýǵa baǵyttalǵan. Negizgi maqsat – áke men bala arasyndaǵy baılanysty kúsheıtip, jas urpaqqa eńbekqorlyq pen jaýapkershilikti, sondaı-aq týǵan jerge janashyrlyq sezimin úlgi etý.
Senbilik barysynda qatysýshylar 10 alma aǵashyn, 10 qaraqat kóshetin, 6 mamyrgúl jáne 6 qaraǵaı otyrǵyzdy. Sonymen qatar «Taza ólke» baǵyty boıynsha mektep aýmaǵyn abattandyrý, tazalaý jáne retke keltirý jumystary júrgizildi.
«Taza Qazaqstan»: Almatyda 550-den astam adam senbilikke shyqty
Is-sharanyń ereksheligi – ákelerdiń balalarymen birge birlesip eńbek etýi. Mundaı format oqýshylarǵa ekologııalyq tárbıe berip qana qoımaı, ata-ananyń jeke úlgisi arqyly eńbekke baýlý, ujymdyq jaýapkershilik pen ózara qoldaýdy qalyptastyrýǵa múmkindik beredi. Otyrǵyzylǵan aǵashtardy kútip-baptaý, sýarý jáne saqtaý jumystaryna da erekshe mán beriledi.
«Taza Qazaqstan»: Keleshek mektebiniń oqýshylary senbilikke qatysty