Qazaqstanda bıyldan bastap ýnıversıtetterdiń ulttyq reıtıngi jarııalanady. Tizimge ilinbegen jáne talaptarǵa saı emes joǵary oqý oryndary memlekettik qarjylandyrýdan tolyq qaǵylady. Bul týraly Májiliste ótken Úkimet saǵatynda Ǵylym jáne joǵary bilim mınıstri Saıasat Nurbek málimdedi, dep jazady Egemen.kz.
Mınıstrdiń aıtýynsha, sapasyz bilim beretin ýnıversıtetterdi ońtaılandyrý jumystary jalǵasyp jatyr. Buǵan deıin Aqtóbe, Shymkent jáne Atyraý qalalaryndaǵy birqatar oqý oryndarynyń lısenzııasy joıylǵan bolatyn.
«Bolashaq» baǵdarlamasy: Depýtat bıýdjet qarjysyn negizsiz jumsaǵandardyń esimderin jarııalaýdy talap etti
Jańa zańnamalyq talaptar boıynsha, endi memlekettik tapsyrys pen granttardy bólý tikeleı ulttyq reıtıng nátıjelerine baılanysty bolady. Saıasat Nurbek qarjylandyrýdy toqtatýdyń naqty krıterıılerin atap ótti:
Reıtıngke ilikpegen oqý oryndary; Halyqaralyq formatta jumys istemeıtin JOO-lar; Zerthana qurýǵa jáne ǵylymǵa ınvestısııa quımaıtyn ýnıversıtetter.«Osy ózgeristerge jekemenshik ýnıversıtetter úreımen qaraıdy. Biraq biz osyndaı qadamǵa bardyq. Reıtıngke ilikpegen ýnıversıtetterge qarjylandyrý múldem toqtatylady. Bul — naryqtyq ustanymdardy qalyptastyrýdyń joly», dedi mınıstr.
Mınıstrdiń aıtýynsha, reıtıng málimetteri talapkerler men ata-analar arasynda keńinen taratylady. Bul – mamandyq tańdaý kezinde qatelespeýge jáne memlekettik granttyń tek úzdik oqý oryndaryna berilýin qamtamasyz etýge baǵyttalǵan shara. Byltyr pılottyq rejımde ótken reıtıng bıyl alǵash ret resmı túrde jarııalanbaq.
85 mln teńge jelge ushty: Oqýdan shyǵarylǵandarǵa qaıta grant taǵaıyndalǵan