Sonymen qatar bankter qaryz alýshylardyń tabysyn muqııat tekserip, olardyń jalpy qaryz júktemesin de esepke alatyn bolady.
Ulttyq bank pen Qarjy naryǵyn retteý jáne damytý agenttigi banktermen birlesip jańa shekti mólsherlemelerdi kelisip otyr. Olar bastapqy jarna kólemine baılanysty anyqtalady:
- Eger bastapqy jarna 30% jáne odan joǵary bolsa – ıpotekanyń jyldyq tıimdi syıaqy mólsherlemesi 20%-dan aspaıdy.
- Eger bastapqy jarna 30%-dan tómen bolsa – mólsherleme 25%-ǵa deıin kóterilýi múmkin.
Iаǵnı, bastapqy jarna neǵurlym kóp bolsa, ıpoteka soǵurlym arzan bolady.
Ulttyq bank tóraǵasy Tımýr Súleımenovtiń aıtýynsha, sheshim banktermen kelisildi, alaıda tehnıkalyq daıyndyq jumystary áli de jalǵasyp jatyr. Tıisti buıryq jobasy mamyr aıynda jarııalanady.
Jańa talap boıynsha bankter tek resmı rastalǵan tabysty ǵana esepke alady. Bul degenimiz:
- zeınetaqy aýdarymdary;
- resmı jalaqy;
- qujatpen rastalǵan kirister ǵana qarastyrylady.
«Bul degenimiz, tabysty resmı túrde rastaýsyz ıpoteka alý múmkin bolmaıdy», dep túsindiriledi.
Qazirgi ýaqytta bankterde barlyq nesıe boıynsha tólemder tabystyń 50%-ynan aspaýy kerek degen shekteý bar.
2026 jyldyń shildesinen bastap qosymsha kórsetkish engiziledi – qaryzdyń tabysqa qatynasy (debt-to-income ratio). Ol tek aı saıynǵy emes, jalpy qaryz kólemin de eskeredi.
Jańa júıe aıasynda bankter ıpoteka, avtonesıe jáne kepilsiz nesıeler boıynsha bólek shekteýler belgileı alady. Biraq bári ortaq qaryz júktemesi koeffısıenti sheńberinde esepteledi.
Ipotekalyq naryq keńeıtildi: Kommersııalyq bankter jańa júıege qosyldy
Qarapaıym tilmen aıtqanda, aldymen adamnyń jalpy qaryz alý múmkindigi shekteledi, sodan keıin ár nesıe túrine jeke lımıt bólinedi.
Jańa erejeler ıpoteka alý sharttaryn qatańdatýy múmkin. Sarapshylardyń pikirinshe, bul qadam bankterdiń táýekelin azaıtyp, qaryz alýshylardyń qarjylyq turaqtylyǵyn arttyrýǵa baǵyttalǵan.
