Qyrǵyz Respýblıkasynyń burynǵy Ulttyq qaýipsizdik memlekettik komıtetiniń tóraǵasy Qamshybek Táshıevke eki bap boıynsha aıyp taǵyldy. Bul týraly onyń advokaty Ikramıdın Aıtkýlov málimdedi, dep jazady Egemen.kz.
Advokattyń aıtýynsha, eks-sheneýnikke «bılikti kúshpen basyp alý nemese ustap turý, sondaı-aq konstıtýsııalyq qurylysty kúshpen ózgertý áreketteri» jáne «qyzmettik ókilettikterin asyra paıdalaný» baptary boıynsha aıyp taǵylǵan. Áńgime jeke paıda tabý maqsatynda nemese ózge de jeke múdde úshin jasalǵan, jaýapty qyzmet atqarǵan tulǵaǵa qatysty áreketter jóninde bolyp otyr.
Qyrǵyzstan prezıdenti Táshıevti nelikten qyzmetten alǵanyn túsindirdi
Sotqa deıingi tergeý aıasynda Qymshybek Táshıevke elden shyqpaý týraly qolhat túrindegi bultartpaý sharasy tańdalǵan. Onyń advokaty qorǵaýyndaǵy azamattyń taǵylǵan aıyptardy moıyndamaıtynyn aıtty. Tergeýden keıin ol Ishki ister mınıstrliginiń ǵımaratynan keshki saǵat 23:00 shamasynda shyqqan.
Bul is aıasynda Qyrǵyzstannyń burynǵy bas prokýrory Kýrmankýl Zýlýshev pen eks-parlament spıkeri Nýrlanbek Týrgýnbek ýýlýniń de aty atalady. Alaıda olardyń is boıynsha naqty mártebesi ázirge belgisiz.
Aıta keteıik, sońǵy eki kún qatarynan burynǵy joǵary laýazymdy tulǵalar Ishki ister mınıstrligine jaýap alýǵa shaqyrylǵan. Vedomstvo bul aqparatty resmı túrde rastaǵan da, joqqa shyǵarǵan da joq.
Jemqorlyqqa qatysy bar: Qyrǵyzstanda Qamshybek Táshıevtiń aǵasy ustaldy
Buǵan deıin Qyrǵyzstan prezıdenti Sadyr Japarov «75 hatqa» qatysty Qamshybek Táshıvetiń yqtımal qatysy bar-joǵyn tergeý men sot anyqtaýy tıis ekenin aıtqan.