ALMATY. 28 maýsym. Sınbeı (Taıvan) qalasyndaǵy oıyn-saýyq ortalyǵynda bolǵan jarylystan 474 adam zardap shegip, 140 adam otqa kúıip qalǵan. Bul týraly China Daily habarlady.
Keshki saǵat 20:30 shamasynda, oıyn-saýyqtyń eń qyza bastaǵan kezinde, keń sahnaǵa myńǵa jýyq adam shyǵyp, bılep jatqan. Dál osy tusta kóńildi halyqtyń ústinen belgisiz tustan untaq shashylyp, ol ile-shala otqa aınalǵan. Úreı qushaǵyndaǵy jurt jantalasyp, jan-jaqqa shashyraı qashqanmen deneleriniń ashyq jerleri kúıip, aýyr jaraqat aldy.
Tez arada jetken «Jedel járdem» zardap shekkenderdi qalanyń 19 aýrýhanasyna ornalastyrdy.
Zardap shegýshilerdiń kóbiniń beti men qol-aıaǵyn kúıik shalǵan. Polısııa belgisiz untaq shashylǵan jarylystyń sebep-saldaryn anyqtaýǵa kiristi.
Talǵat Súıinbaı.
Derek: China Daily.
Sýret: CCTV News.