ASTANA. 28 maýsym. Fýtboldan Chılıde ótip jatqan Amerıka Kýbogy týrnırinde jartylaı fınalǵa shyqqan komandalar belgili boldy. Ońtústik Amerıka qurlyǵynyń chempıony ataǵyn Chılı, Perý, Argentına jáne Paragvaı quramalary sarapqa salady. Bul týraly egemen.kz habarlady.
О́tken túnde shırek fınaldyń sońǵy oıyny oınaldy. Álemniń bes dúrkin chempıondary Brazılııa quramasy Paragvaımen synǵa tústi. Kezdesýdiń 15-mınýtynda pentakampeondar esep ashqan bolatyn. Mergendigimen kózge túsken – Robıno. Paragvaı quramasy tek 72-mınýtta ǵana tarazy basyn teńestirýge múmkindik tapty. Nátıjesinde oıynnyń negizgi ýaqyty 1:1 esebimen teń aıaqtaldy. Sondaı-aq, qarsylastar qosymsha eki taımda da teń oıyn órnegin kórsetip, jeńimpaz matchtan keıingi penaltı arqyly anyqtaldy. Bul synda Paragvaıdyń mereıi ústem bolyp, 4:3 esebimen basym tústi.
Aıta keteıik, Brazılııanyń shabýylshysy Neımar bul oıynda komandasyna kómektese almady. Sebebi, ol toptyq kezeńdegi Kolýmbııaǵa qarsy oıynda óreskel tártip buzǵany úshin alańnan qýyldy. Keıin fýtbolshynyń tártibi FIFA minberinde talqylanyp, Neımar ulttyq qurama sapyndaǵy 4 oıynnan alastatyldy.
Shırek fınaldaǵy ózge oıyndarǵa keler bolsaq, Chılı Ýrýgvaıdy 1:0 esebimen jeńdi. Sondaı-aq, Perý Bolıvııadan 3:1 esebimen basym tústi. Al Argentına-Kolýmbııa matchy negizgi ýaqytta teń aıaqtaldy (0:0). Oıyn sońyndaǵy penaltıde Messı bastaǵan argentınalyqtar dáldik tanytyp, 5:4 esebimen jeńiske jetti.
Qurlyq chempıonaty 4 shildede aıaqtalady.
Elaman Qońyr.
Derek: egemen.kz.
Sýret: eurosport.ru.