Syrtqy ister mınıstrligi Dýbaı qalasynda ómir boıyna bas bostandyǵynan aıyrylǵan 22 jastaǵy Qazaqstan azamatynyń isine qatysty jańa málimetterdi jarııalady, dep habarlaıdy Egemen.kz.
Vedomstvonyń resmı ókili Erlan Jetibaevtyń aıtýynsha, úkim 18 naýryzda shyǵarylǵan. Ámirlik tarapynyń deregine sáıkes, Qazaqstan azamaty aýyr qylmystar boıynsha kináli dep tanylyp, oǵan aıyppul da salynǵan.
Syrtqy ister mınıstrligi Qazaqstan azamatynyń BAÁ-de 2025 jyly qozǵalǵan qylmystyq is boıynsha aıyptalýshylardyń biri ekenin túsindirdi.
«Bul qylmystyq is adam urlaý jáne zańsyz bostandyǵynan aıyrý, densaýlyqqa aýyr zııan keltirý, sondaı-aq adamnyń ar-namysy men qadir-qasıetine qol suǵý sııaqty aýyr qylmystar sanatyna jatady», dedi Erlan Jetibaev.
Qazir is boıynsha apellıasııalyq shaǵym berilgen, sondyqtan úkim áli zańdy kúshine engen joq. SIM Qazaqstannyń elshiligi men Dýbaıdaǵy Bas konsýldyǵy quqyqtyq kómek kórsetýdi jalǵastyryp, jaǵdaıdy baqylaýda ustap otyrǵanyn málimdedi.
Dýbaıda ómirlik jaza taǵaıyndalǵan otandasymyz apellıasııalyq shaǵym túsirdi
Buǵan deıin vedomstvo ekstradısııa máselesi ázirge qaralmaıtynyn habarlaǵan. Syrtqy ister mınıstriniń orynbasary Álibek Baqaevtyń sózinshe, aldymen sot prosesi tolyq aıaqtalýy kerek.