Qoǵamdyq qabyldaý qarymy

Elbasy Nur­sultan Na­zar­baev «Nur Otan» bıleýshi par­tııa retinde árqa­shanda ha­lyq­tyń muń-muqtajyn bilip, jaqyndyǵyn kór­setýi kerek dep udaıy aıtyp keledi. Sondyqtan el Prezıdentiniń ótken jylǵy Joldaýynda aıryqsha aı­tylǵan tapsyrmasy boıynsha múmkindikteri shekteýli jandarǵa qoldaý kórsetý úshin taqyryptyq qabyl­daý uıymdastyrylǵan bolatyn. «Nur Otan» partııasynyń 16 jyl­dyǵy qarsańynda qoǵamdyq qabyl­daýlardyń jumysyn kúsheıtý máse­lelerine arnalǵan selektorlyq otyrys­ta partııa Tóraǵasynyń birinshi orynbasary Baýyrjan Baıbek osylaı dedi jáne «Nur Otan» partııasynyń Tóraǵasy N.Á.Nazarbaevtyń tapsyr­masyna sáıkes partııanyń el tur­ǵyndarynyń túıtkilderin sheshý baǵytynda júıeli jumys júrgizip kele jatqanyn atap ótti. «241 qoǵamdyq qabyldaý qyzmetiniń arqasynda búkil el aýmaǵynda halyqpen ózara baılanys jelisi jolǵa qoıylyp, bul, tipten, aýylǵa deıingi aralyqtaǵy máselelerdi shuǵyl sheshýge múmkindik berýde», — dep aıryqsha atady ol. Sonymen qatar, B.Baıbek 2014 jyly memlekettik organdardyń birinshi basshylary men depýtattardyń jeke qabyldaýlarynyń kólemi aldyńǵy jylmen salystyrǵanda 7 ese kóbeıgenin, sóıtip, 26 myńǵa jýyqtaǵanyn atap kórsetti. Respýblıkalyq qabyldaýdaǵy árbir 4-shi qabyldaý mınıstrler men agenttik tóraǵalarynyń qatysýymen uıymdastyrylǵan. Barlyq deńgeıdegi ákimder 3 myńǵa jýyq qabyldaý ótkizgen. «Jalpylaı alǵanda, byltyrǵy jyly azamattardyń 85 myń ótinimi qaraldy», – dedi B.Baıbek. Onyń aıtýynsha, ótinishterdiń taldama barysy qabyldaý barysynda kóterilgen máselelerdiń deni áleýmettik sıpatta ekenin kórsetken. Iаǵnı, adamdar turǵyn úı men jer telimin bólý, jumysqa ornalastyrý men jalaqynyń tólenbeýi, ıpotekalyq problemalar men shaǵyn bıznestiń máseleleri, sondaı-aq, quqyq qorǵaý organdarynyń jumysyna aryz-shaǵymdy kóp aıtatyny belgili bolyp otyr. Sonymen birge, qabyldaýǵa kóp jaǵdaıda jasy kelgender, zeınetkerler, ardagerler keletindigi kóldeneń tartyldy. Osy oraıda úlkenderge asa yqylaspen kómek kórsetilýi kerek ekendigin jetkizgen partııa Tóraǵasynyń birinshi orynbasary eń jaqsy jobanyń biri «Ardagerlerdi ardaqtaıyq»  ekendigin nazarǵa saldy. «Bir aı buryn úlken jınalys ótkizgen bolatynbyz. О́tken jyly 6000 ardager men tyń eńbekkerleri esepte bolǵan bolsa, qazirgi ýaqytta olardyń sany 5000 shamasynda ǵana qaldy. Iаǵnı, biz kún saıyn bir maıdangerimizdi joǵaltýdamyz. Sol sebepti, biz olarǵa, olardyń týǵan-týystaryna joǵary deńgeıde qoldaý kórsetýge mindettimiz», – dep atap kórsetti B.Baıbek. Bul turǵyda ol Reseıde ardagerlerge arnalǵan kóptegen saıttardyń bar ekendigin aıta otyryp, bizde «Qaharman.kz» dep atalatyn jańa saıttyń ashylyp jatqanyn, jaýyngerlerimiz jóninde tolyqtaı aqparatty atalǵan saıttan alýǵa bolatynyn jetkizdi. Otyrys barysynda «Elektrondy partııa» jobasynyń iske asyrylýynyń nátıjesinde ortalyq jáne jergilikti jerlerdegi organdardyń birinshi basshylaryna halyqtyń qoljetimdiligi artyp kele jatqany da atap kórsetildi. Jeke qabyldaýlar beınekonferensııalyq baılanys arqyly uıymdastyrylyp, qabyldaýlarǵa telefon nemese e-partııa arqyly  jazylýǵa bolatyndyǵy jóninde málimet berildi. «Atalǵan fýnksııanyń arqasynda qashyqtaǵy aýyldardyń turǵyndary ortalyq memlekettik organdar basshylary men Parlament depýtattarynan óz suraqtaryna tushymdy ja­ýaptar ala alady. 50 poshta bólimshesinde elektrondyq qoǵamdyq qabyldaý pýnktteri ashylǵan», – dedi partııa Tóraǵasynyń birinshi orynbasary. Budan bólek, partııanyń damýy jáne turǵyndarmen jumys tıimdiligin arttyrý úshin ishki baqylaý men azamattar ótinimderine der kezinde nazar aýdartý talaby kúsheıtilgendigi aıtylǵan basqosýda ústimizdegi jyly azamattardy eń kókeıkesti máseleleri boıynsha qabyldaý toqsandyq negizde júrgiziletindigi jarııa etildi. Elmıra MÁTIBAEVA, «Egemen Qazaqstan».