ASTANA. 28 maýsym. Slovakııalyq kásipker tússiz kofe oılap tapty. Bul týraly 24.kz habarlady.
Ol erekshe sýsyndy daıyndaý tásilin qupııa saqtap otyr. Alaıda, móldir kofeniń dámi espressodan kem túspeıtinin aıtady. Tiske de zııany joq dep sendiredi. Sýsynnyń quramyn memlekettik mamandar tekserip jatyr. Saraptamadan keıin kofe satylymǵa shyǵarylady.
Kásipker Devıd Nagı: «Tússiz kofede kofeniń qýyrylǵan daqyly, aýyzsý jáne tabıǵı jolmen alynǵan kofeın bar. Biz eshqandaı jasandy nemese dám kirgizetin zattar men qantty paıdalanbaımyz», – dedi. Al Iozef Barısta esimdi týrıst: «Kózimdi jumsam salqyn espresso kofesin iship jatqandaı bolamyn. Qatty tańqalatyn nárse. Sebebi biz túsi bar kofe iship úırengenbiz ǵoı», – dep tańdanysyn jasyra almady.
Aıta keteıik, tússiz kofeniń dámi til úıiredi jáne aıyzyńdy qandyrady eken.
Talǵat Raıymbek.
Derek, sýret: 24.kz.