ASTANA. 29 maýsym. Bavarııanyń Passaý qalasynda jeke ýchaskede eski qabyrǵalardy buzý kezinde jumysshylar mıllıon eýroǵa jýyq bolatyn iri altyn qazyna taýyp aldy. Bul týraly utro.ru-ǵa silteme jasaǵan «QazAqparat» habarlady.
«Sheısarııa banki» degen jazýy bar altyn quımalardyń alǵashqy bóligi 24 maýsymda tabylǵan bolatyn, taǵy bir bóligi jumystardy jalǵastyrý ústinde 26 maýsymda kezikken. Mamandar qazynanyń úshinshi bóligi jer astynda jatýy múmkin degen boljam aıtýda. Polıseıler tabylǵan altynnyń ıesi kim ekenin anyqtaý kerek dep otyr. Qalalyq ókimet oryndary ókiliniń aıtýynsha, quqyqtyq jaǵynan alyp qaraǵanda, tabylǵan zat qalalyq oljalar bıýrosyna berilýi tıis. Degenmen, polısııanyń taratqan málimetinshe, tabylǵan qazyna ýchaske ıesiniń seıfinde saqtaýly tur eken.
Talǵat Raıymbek.
Derek, sýret: «QazAqparat».