ASTANA. 29 maýsym. Keshe fýtboldan Qazaqstan premer-lıgasynyń 18-týr oıyndary aıaqtaldy. Týrnır kestesinde kósh bastap kele jatqan «Aqtóbe» syrt alańda «Jetisýmen» teń oınap, upaı joǵaltty. Al týrdyń ortalyq kezdesýi – «Qaırat» pen «Astana» arasyndaǵy oıynda almatylyqtar 2:0 esebimen jeńiske jetti. Bul týraly egemen.kz habarlady.
Týrnır kestesinde 2 jáne 3-oryndarda kele jatqan «Qaırat» – «Astana» oıyny asa tartysty ótti. Vladımır Vaısstyń shákirtteri birinshi taımnyń sońynda esep ashyp, alǵa shyqty. Bul jerde gol salǵan Isaeldiń jeke sheberligin erekshe aıtyp ótken jón. Ekinshi taımda esepti eselegen alań ıeleri oıyn sońyna deıin bul nátıjeni saqtap qaldy. Degenmen, «Astananyń» oıyn órnegine laıyqty baǵasyn berý lázim. Sebebi, statıstıkalyq kórsetkishter boıynsha elordadan kelgen komanda basym boldy.
Kósh basynda kele jatqan «Aqtóbe» bul týrda taǵy da teń oınady. Bul aqtóbelikterdiń sońǵy bes týrdaǵy úshinshi teń oıyny. Taldyqorǵanda jergilikti «Jetisýǵa» qarsy oınaǵan elimizdiń bes dúrkin chempıondary qosymsha ýaqytta ǵana tarazy basyn teńestirýge múmkindik tapty.
«Jetisý» (Taldyqorǵan) – «Aqtóbe» (Aqtóbe) 1:1 (0:0)
Goldar: Despotovıch 66 – Jalmuqan 90+.
«Qaısar» (Qyzylorda) – «Ordabasy» (Shymkent) 1:1 (0:0)
Goldar: Moldaqaraev 59 – Nurǵalıev 56 penaltı.
«Tobyl» (Qostanaı) – «Taraz» (Taraz) 3:0 (3:0)
Goldar: Iýrın 12, 40, Zenkovıch 21.
«Oqjetpes» (Kókshetaý) – «Atyraý» (Atyraý) 2:2 (0:1)
Goldar: Bóleshev 56, Rotkovıch 73 – Grıgorev 37, Ivanovıch 90.
«Ertis» (Pavlodar) – «Shahter» (Qaraǵandy) 3:1 (0:1)
Goldar: Ndıaıe 32, 47, Chernyshov 56 – Murtazaev 29.
«Qaırat» (Almaty) – «Astana» (Astana) 2:0 (0:0)
Goldar: Isael 45, Islamhan 52 penaltı.
29 maýsymǵa deıingi nátıjeler boıynsha týrnır kestesi
Úzdik mergender:
Jerar Goý («Qaırat») – 18 gol;
Dýshan Savıch («Jetisý»), Lýka Rotkovıch («Oqjetpes») – 7 gol;
Konstantın Dýdchenko («Ertis»), Patrık Tvýması («Astana») – 6 gol.
19-týr oıyndary 4-5 shildede maýsymda oınalady. Atalǵan týrdaǵy qarsylastar tómendegideı:
«Taraz» – «Jetisý»
«Astana» – «Qaısar»
«Atyraý» – «Ertis»
«Shahter» – «Qaırat»
«Ordabasy» – «Tobyl»
«Aqtóbe» – «Oqjetpes»
Elaman Qońyr.
Derek: egemen.kz.
Sýret: vk.com.