AQTО́BE. 29 maýsym. Aqtóbe oblystyq sotynyń tóraǵasy Erlan Aıtjanov baılanys jáne buqaralyq aqparat qyzmetkerleri kúnine oraı respýblıkalyq jáne jergilikti buqaralyq aqparat quraldarynyń ókilderimen kezdesip, olardy kásibı merekelerimen quttyqtap, oblystyń sot organdarynyń qyzmetin shynaıy jarııalaýǵa qosqan úlesi úshin Qurmet gramotalarymen marapattady. Bul týraly egemen.kz tilshisi habarlady.
Erlan Jumahanuly jýrnalısterge oblys sottarynyń qyzmetine aqparattyq qoldaý kórsetkeni úshin alǵysyn bildirip, sot organdary qyzmetin jarııa etýde erekshe oryn alatynyn, aqparat keńistigindegi jýrnalısterdiń sińirgen eńbegin, azamattardyń quqyqtaryn zerdeleýge qosatyn úlesin atap ótti.
Dóńgelek ústelde oblystyq sottyń sýdıa-úılestirýshisi N.Satybaldına sóz sóılep, «Aktıýbınskıı vestnık» gazetiniń redaktory M.Jarmuhambetov baıandama jasady. Dóńgelek ústelde sýdıalar men BAQ ókilderi álemde jáne sot júıesinde bolyp jatqan ózgeristerdi, aldaǵy ýaqyttaǵy ózara yntymaqtastyq jaıynda oı bólisip, bir-birlerine degen izgi tilekterin bildirdi. BAQ ókilderin quttyqtaý saltanaty merekelik kóńil-kúıge ulasyp, konserttik baǵdarlamamen aıaqtaldy.
Sonymen birge, oblystyq sot tóraǵasy Erlan Aıtjanovtyń bastamasymen Aqtóbe oblysynyń sot qaýymdastyǵy jýrnalısterdiń kásibı merekesine oraı BAQ ókilderi men sýdıalardyń qatysýymen boýlıngten týrnır uıymdastyrdy. Atalǵan týrnırge qatysýshylar «Respýblıkalyq telejýrnalıstıka», «Jergilikti telejýrnalıstıka», «Gazet basylymdary», «Radıojýrnalıstıka», «Sot qaýymdastyǵy» qurama komandalaryna bólinip, synǵa tústi.
Sheshýshi komandalyq jarysta «Jergilikti telejýrnalıstıka» qurama komandasy úzdik atanyp, oblystyq sottyń tóraǵasy Erlan Aıtjanov 1-oryndy jeńip alǵan úzdik quramaǵa jeńimpaz kýbogyn tabystady. Ekinshi oryndy «Radıojýrnalıstıka», al úshinshi oryndy «Respýblıkalyq telejýrnalıstıka» komandalary ıelendi.
Oıyn sońynda «Tandem» radıosynyń jýrnalısi Baýyrjan Kokchaev pen «Qazaq» radıosynyń menshikti tilshisi Meıramgúl Sataeva tıisinshe «Úzdik straıker» jáne «Úzdik straıkersha» nomınasııalary boıynsha jeńimpaz atandy. Sonymen birge, jýrnalıster óz kezeginde eń kóp straık jınaǵan «Komanda kóshbasshysy» nomınasııasyn oblystyq sottyń tóraǵasy Erlan Aıtjanovqa tabys etti.
Jalpy, oblystyń BAQ-pen ózara yqpaldastyq jumysy joǵary deńgeıde qalyptasýda. Mundaı yntymaqtastyq sharasy jyl saıyn ótkizilip keledi. Jýrnalıster ózderine kóńil bólgenderi úshin sýdıalarǵa rızashylyqtaryn bildirip, sot bıligi jáne BAQ-tyń ádilettilik jolynda jumys isteıtinin, ortaq maqsatta yntymaqtastyqtyń qaıtarymy mol bolatynynyn atap ótti.
Satybaldy Sáýirbaı.
Derek, sýret: egemen.kz.